Showbizz Intl. Inc. ta confirma Marco Antonio Solis pa luna di November na Aruba. The One Happy Island, Aruba pa prome biaha lo ta anfitrión di Marco Antonio Solis den su “ El Mas Querido Tour 2019
Showbizz Intl. Inc. ta confirma Marco Antonio Solis pa luna di November na Aruba.
The One Happy Island, Aruba pa prome biaha lo ta anfitrión di Marco Antonio Solis den su “ El Mas Querido Tour 2019 “ .
___________________________________________________
Oranjestad – Aruba ta preparando pa ricibi e legendario Marco Antonio Solis cu su
“ EL Mas Querido Tour 2019 “. Showbizz Intl. Inc. cu Steve Hudson na kabes y su team ta trahando duro pa hinka un tremendo espektakulo den otro, asina a wordu anuncia pa PR Ichelle . Marco Antonio Solis su presentashon lo ta Diadumingu 10 di November 2019.
“ El Mas Querido Tour “ lo tin chárter cu ta sali di Korsou pa Aruba pa e publiko di Korsou tambe por disfruta di e tremendo espektakulo aki. Pakete ta inclui. Airline Ticket, Airport Taxes, Hotel, Breakfast, Light Lunch, Transport & Show Tickets. Tur esaki cuminsando for di AWG. 1025,00 pa persona.
Recomendación: Pa mas informashon di package por tuma contacto cu Melanie van de Meent na (5999) 529 4378 e-mail solisaruba@hotmail.com of Carol Capriles (5999) 510 1321 cu e-mail carolfcapriles@gmail.com.
Den pasado Showbizz International Inc. a jega di organisa concierto nan manera Juan Luis Guerra, Juan Gabriel Q.E.P.D., Ana Gabriel, Rocio Durcal Q.E.P.D., Elvis Crespo, Gente De Zona y Festival “ Viva La Musica Latina “ y mucho mas. Sr. Steve Hudson ta conosi p ata super detallista cu ora produkshon di un evento ta den su man. Bo por ta garantisa cu aki tur cos lo kana manera mester ta.
Marco Antonio Solis store ta situa den Renaissance Market Place. Esaki ta e único punto di benta pa loke ta entrada nan pa e show aki. Nos tin diferente sekshon c uta hasi cu tur hende tin e oportunidad di disfruta di e show aki den e siguiente sekshon nan manera; Royal Premium, Premium, Diamond, VIP Plus, VIP, VIP sec y General. E store ta habri di Dialuna pa Diasabra di 9:30 am pa 6:30 pm. Tambe por contacta nos por medio e siguiente number nan (297) 568 6283 of via whatsapp na ( 5999) 510 2917.
Aruba Entertainment Center lo ta sede di “ El Mas Querido Tour 2019 “, porta ta habri 6:30 pm i show mes ta cuminsa 7:30 pm. E show ta un seating show cual ta hasi cu tur persona cu tin un ticket den su poder tin un stul pa sinta riba dje.
