Nan ta rumbo pa Zomercarnaval 2019: Digicel a hasi entrega di pasashinan pa Ulanda na Reina, Prens i Pancho 

Nan ta rumbo pa Zomercarnaval 2019:

Digicel a hasi entrega di pasashinan pa Ulanda na Reina, Prens i Pancho 

WILLEMSTAD: Manera tur hende sá, e aña aki Digicel tabata patrosinador di Karnaval 2019 na Kòrsou, esaki a inkluí un sosten finansiero na Fundashon JAG pa organisashon di karnaval i eventonan manera elekshon Reina, Prens i Pancho di Kòrsou. Meskos ku aña pasá Kòrsou su embahadornan di karnaval, ta representá Digicel i su produktonan den tur evento, i Zomercarnaval  no ta un eksepshon!

Digicel ta komprometé na Kòrsou su embahadornan di karnaval i den kuadro di esei a hasi entrega di pasashinan ida i buèlta pa Ulanda, di manera ku nan por partisipá na Zomercarnaval 2019.  Di akuerdo ku Jorge Cuartas, “Nos ke pa Ulanda tambe sinti e keintura kòrá, pues ta importante pa nos embahadornan tei! Djaluna dia 22 di yüli último nan a risibí nan pasashi i nos ta deseá nan hopi alegria i hopi éksito.” Riba fotonan athunto un impreshon di e momentu ku Fundashon JAG, Reina, Prens i Pancho di Kòrsou a risibí nan pasashi pa Ulanda.