Petishon pa yudansa di komunidat.
KOMUNIKADO DI PRENSA
285 / 2019
25 yüli 2019
Petishon pa yudansa di komunidat.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di asesinato ku a tuma lugá 2 di aprel 2015, den un kas na Rio
Magdalena, polis ta pidi yudansa di komunidat.
Riba e dia en kestion a haña e hòmber Frensio Pascual Sambre, nasé na Kòrsou, di 90 aña di
edat, morto den su kamber. E hòmber víktima tabata mará riba su kama i su kara tabata
tapá ku pida paña. Tambe polis a tuma nota ku tur kos den su kamber tabata bentá abou.
Polis ta pidi kualke persona ku por tin informashon i òf a mira, tende of sa algu di e kaso aki
pa pasa e informashon pa polis.
Por tuma kontakto ku polis via di number di telefòn 866-6192, 917 òf 108 ku ta e number
anónimo.
Yuda polis pa asina por trese klaridat mas pronto ku ta posibel den e kaso aki.
Huntu nos por hasi nos pais mas sigur.