Preparashon pa Ala Jaza den Konsierto ta kontinuá

Preparashon pa Ala Jaza den Konsierto ta kontinuá

Manera boso nos lektornan por a tuma nota nos a kombersá ku Dj Argenis Huerta i Felito Martinez, pa nos por sa kon nan ta preparando i kiko tur ta nan espektativa nan pa e gran konsierto “Que nadie se Meta” dia 10 ougùstùs próksimo den Curaçao Festival Center.

Awe nos a kombersá ku Layo Virginie, di e reinan di ambiente ERA, ku tambe lo ta forma parti di e konsierto di Ala Jaza. Segun Layo por a kompartí ku nos ta: “ERA ta hopi kontentu ku nan a haña un chèns pa ta den un konsierto grandi  asin’aki. Den pasado ERA a yega di toka den konsierto grandi, pero esaki tambe ta keda unu spesial pa nan. Pa tur e músikonan ta algu grandi pa nan bai saka kara. Nan ta den full swing, den full preparashon. Tur músiko ta “happy” kla prepará yen di animo, ensayonan ta tumando lugá. Pa nan importante ta pa ERA un biaha mas saka kara di Kòrsou. Loke Layo mes kier konsehá tur hende, ta pa bini na bòshi, kumpra boso karchi, pa boso no keda for di e konsierto i pèrdè kon ERA ta bai profilá durante di e konsierto di Ala Jaza. Pa nan tur ta algu hopi grandi esaki lo ta. Bo pèrdè……bo a pèrd’é algu grandi sigur !!!! Ta un biaha algu asina ki por pasa”.

Kòrda buska boso karchinan : GENERAL i SILVER ta optenibel na Mensing’s Caminada i 24 uur uit de muur. I pa e sekshonnan GOLD i DIAMOND por yama na telefon +599 9 685 0475 òf +599 9 529 2071.

Fundashon JAG huntu ku su partnernan ta invitá bo pa bin disfrutá di ALA JAZA den Konsierto na Kòrsou den Curaçao Festival Center.