Prome Minister Evelyn Wever-Croes: SIMAN DI INNOVATION CAMP DI FUTURA TAWATA UN EXITO TOTAL Riba ultimo dia, muchanan a cera conoci cu Dr. Edward Cheung
Prome Minister Evelyn Wever-Croes:
SIMAN DI INNOVATION CAMP DI FUTURA TAWATA UN EXITO TOTAL
Riba ultimo dia, muchanan a cera conoci cu Dr. Edward Cheung
Siman pasa, un grupo di 60 innovadornan chikito y hoben a participa na e e Innovation Camp organisa pa FUTURA na Dr. Edward Cheung Center for Innovation. Un siman na unda nos muchanan contento a siña laga nan creatividad los y a siña mas di sostenibilidad y a discubri maneranan diferente y bunita pa duna bek na nos comunidad. Muchanan a siña mas di medio ambiente y con nan por ta parti di cambio pa un miho cuido di nos medio ambiente. Nan a siña tocante coding y traha nan mesun weganan di computer. Tambe nan a siña tocante e Sustainable Development Goals, SDG, cu ta e metanan di Nacionnan Uni pa crea un miho mundo na 2030, cu ta conta pa Aruba tambe, nan a siña tocante agricultura y tocante polucion.
Riba e ultimo dia di Innovation Camp, Prome Minister a entrega certificado na participantenan despues cu e muchanan a presenta nan creacionnan innovativo na e ekipo di FUTURA, Prome Minister y & Dr. Edward Cheung.
Dr. Edward Cheung tawata invitado special na e Innovacion Camp na unda cu muchanan a keda hopi impresiona y contento di conoce un figura asina importante den e mundo di innovacion y tehnologia y su trabou na NASA. Dr. Cheung a expresa cu tawata hopi bon pa mira presentacionnan dinamico di nos muchanan riba e tereno di invencion y innovacion.
“E Innovation Camp e siman aki di FUTURA tabata tremendo. Ainda mi ta hayando mensahe di mayornan con entusiasma nan yiunan a keda di e camp. Esey nos kier logra, haci cada mucha un campion pa innovacion. Awo cu esaki a resulta asina exitoso, otro biaha nos lo organisa mas di e camp’nan aki p’asina mas mucha por participa”, Prome Minister Evelyn Wever-Croes a expresa.
