Detenshon pa froude i ladronisia.

KOMUNIKADO DI PRENSA
306/ 2019
7 ougùstùs 2019
Detenshon pa froude i ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di froude i ladronisia ku a tuma lugá
den luna di yüli 2019, polis a detené un dama.
Djàrason 7 di ougùstùs 2019, alrededor di 09.45 or di mainta, riba òrdu di Ministerio
Públiko polis a detené e dama C.R.B., nasé na Kòrsou di 24 aña di edat, relashoná ku e kaso
di froude i ladronisia ariba menshoná. Detenshon di e sospechoso aki a tuma lugá na un
establesimentu riba Prof. Kernkampweg.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.