ATLETIO SALIÑA I FC INTER LO TOPA OTRO KARA KARA DURANTE E GRAN FINAL DI LIGA MCB TERSER DIVISHON; DJALUNA 12 DI OUGÙSTÙS 8’OR DI ANOCHI DEN SDK!
ATLETIO SALIÑA I FC INTER LO TOPA OTRO KARA KARA DURANTE E GRAN FINAL DI LIGA MCB TERSER DIVISHON; DJALUNA 12 DI OUGÙSTÙS 8’OR DI ANOCHI DEN SDK!
Despues ku Liga MCB promé i Segundo Divishon a konosé su ekiponan kampion i supkampion, awor ta toka turno na Liga MCB Terser Divishon! Atletiko Saliña i Fc Inter lo enfrentá otro djaluna, 12 di ougùstùs pa 8’or di anochi den Stadion Ergilio Hato (SDK) durante e tremendo partido final aki.
E partido aki lo bai ta unu sumamente interesante mirando ku ta promé biaha ámbos ekipo ta partisipá den Liga MCB Terser Divishon pues esaki lo ta nan nan promé final. Ámbos ekipo lo bin tur ku tin pa nan sali kampion pa promé biaha i promové pa Liga MCB Segundo Divishon.
Pues djaluna, 12 di ougùstùs lo bai tin un tremendo partido den Stadion Ergilio Hato durante e gran final di Liga MCB Terser Divishon!
Tabla di posishon Liga MCB Terser Divishon:
WH | WG | WE | WP | Pt | GF | GK | Saldo | ||
1 | Atletico Salinja | 14 | 11 | 2 | 1 | 35 | 47 | 17 | 30 |
2 | FC Inter | 14 | 10 | 0 | 4 | 30 | 22 | 11 | 11 |
3 | Haitian Union Klup | 13 | 7 | 3 | 3 | 24 | 24 | 20 | 4 |
4 | C. University | 13 | 7 | 2 | 4 | 23 | 35 | 20 | 15 |
5 | C – Stars United | 14 | 7 | 1 | 6 | 22 | 30 | 26 | 4 |
6 | Buena Vista | 14 | 3 | 4 | 7 | 13 | 13 | 22 | -9 |
7 | Wishi Marchena | 14 | 2 | 3 | 9 | 9 | 20 | 30 | -10 |
8 | Quick’60 | 14 | 0 | 1 | 13 | 1 | 12 | 57 | -45 |
55 | 47 | 16 | 47 | 157 | 203 | 203 | 0 |
Gran Final Liga MCB Terser Divishon:
Dia | Fecha | Orario | Tim di kas | Bishitante | Stadion |
Djaluna | 12 oug 19 | 20.00 | Atletiko Saliña | Fc Inter |
SDK |
Un yamada ta bai na hinter e pueblo di Kòrsou pa asistí na e Gran Final di Liga MCB Terser Divishon. Bin presensiá si ta Atletiko Saliña òf ta Fc Inter lo ta e ekipo kampion di Liga MCB Terser Divishon ku lo promové pa Liga MCB Segundo Divishon.
Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!
Kòrda ku e partido aki ta kompletamente grátis!
MCB i FFK ta wardabo!
11 ougùstùs 2019