Resientemente timnan di motersaikel a bini huntu pa uni forsa i traha na bienestar di tur tim di motosiklista na Kòrsou.

Resientemente timnan di motersaikel a bini huntu pa uni forsa i traha na bienestar di tur tim di motosiklista na Kòrsou. Esaki a tuma lugá riba djaweps 8 ougùstùs 2019 na Zeelandia, ora ku tur e kabesantenan di tur e klupnan di motersaikel di Kòrsou a reuní komo brotherhood i a diskutí diferente tópiko entre nan e punto di representashon ofisial di timnan di motersaikel aki na Kòrsou. Un total di 13 klup tabata presente na e reunion aki i a presentá diferente idea pa interkambio den e reunion. E komishon aki tin e tarea pa na nòmber di timnan sirbi komo e punto di kontakto pa tur lokual tin di haber ku timnan motersaikel i lo bai vosiferá tambe na nòmber di klupnan di motersaikel di Kòrsou. E personanan skohé i konsekuentemente asigná pa fungi den e komishon formá ta: Jairo Silberie di Easy Riders Curaçao, Aldo van Aanholt di Wild Hogs Curaçao, Remi Felipa di Solem Bikers i Kendall Sille di Allbikersboyz Curacao. Mediante esaki e komishon i timnan di bikers tambe ta spera di por kanalisá asuntunan ku ta regarda nan un tiki mas kordiná i ta sigui konta tambe ku koperashon di tur e timnan di motersaikel.
Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: