Komunikado di Polis: Morto den tráfiko

KOMUNIKADO DI PRENSA
317/2019.
12 ougùstùs 2019.
Morto den tráfiko.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 11 di ougùstùs 2019, alrededor di 19.40’or, Sentral di Polis a risibí informashon
di un aksidente di tráfiko ku a tuma lugá na Grote Berg.
Na yegada di e unidat, nan a bin topa un dama drumi abou ku leshonnan grave i no tabata
duna señal di bida.
For di investigashon preliminar ku polis a realisá na e sitio, a sali na kla, ku e dama a bai
krusa kaya, net na momentu ku un vehíkulo tabata aserkando, biniendo for di direkshon di
Westpunt i bayendo den direkshon di Zegu.
Alrededor di 21.30’or dòkter di polis a konstata morto di e dama;
 Claudine Maurice, nasé dia 28 di sèptèmber 1964, na Haiti, ku a bin fayesé a
konsekuensia di e leshonnan ku el a risibí.
A konfiská e vehíkulo involví pa mas investigashon.
Personal di tráfiko ta kontinuá ku e investigashon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: