Krusada elevá na altura di Dr. W. P. Maalweg/Bramendiweg ta habri atrobe pa tur outomobilista
Krusada elevá na altura di Dr. W. P. Maalweg/Bramendiweg ta habri atrobe pa tur outomobilista
Geplaatst op 13 Ougùstùs 2019 dor di Ministerio di Tráfiko, Transporte i Planifikashon Urbano
Willemstad – Minister Zita Jesus – Leito huntu ku Servisio pa Obra Públiko (OW) ta informá, ku e trabounan na e krusada di Dr. W.P. Maalweg/ Bramendiweg a terminá i ta habri atrobe pa tur outomobilista. E krusada elevá di Dr. W.P. Maalweg/ Bramendiweg su meta ta pa baha e velosidat di outomobilistanan na momento ku ta yega na e krusada.
Trabounan a kuminsá djamars, 30 di yüli 2019, i a terminá djamars, 13 di ougùstùs 2019, i tabata na enkargo di e kontratista MNO Vervat. MNO Vervat a hasi su máksimo esfuerso pa terminá e trabounan den e temporada di fakansi di skol.
OW ta gradisí komunidat pa e pasenshi i koperashon. Pa pregunta por yama òf whats app na 511-8582. Tambe por bishita e website www.vvrp.cw/proyekto pa tur informashon i desaroyo di proyektonan di OW.