Petishon pa lista di reunion públiko i komishon sentral di Parlamento

Willemstad, 13 di ougùstùs 2019

 

Na: Presidente di Parlamento
Señor W. Millerson
Wilhelminaplein # 4
PRESENTE

Tópiko: Petishon pa reunion públiko i komishon sentral di Parlamento

 

Señor Presidente,

 

Frakshon di Movementu Futuro Kòrsou (MFK), pa medio di esaki ta pidi bo persona pa manda un lista pa nos, di tur reunion ku a ser pidi pa tur frakshon den Parlamento i ku ta pendiente pa wòrdu konvoká ainda.

 

E lista mester kontené fecha di e petishon, tópiko, tipo di reunion públiko/komishon sentral i kua frakshon a pidi e reunion konserní.

 

Tambe nos kier risibí un lista di tur reunion ku ta di skors i ku ta pendiente pa kontinuashon.

 

E lista mester kontené fecha di e petishon, tópiko, tipo di reunion públiko/komishon sentral, fecha ku a skors e reunion i kua frakshon a pidi e reunion konserní.

 

Nos ta spera ku mas pronto posibel nos lo risibí e listanan ariba menshoná.

 

Atentamente, 

__________________

Gilmar Pisas

Lider di frakshon di MFK

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: