Parlamentario Curtley Obispo: Ehekushon di presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata “Andere Baten”.

Minister di Finansa  

Señor Kenneth Gijsbertha

Pietermaai #17/Pietermaai 4-4A

 

Djaweps, 15 ougùstùs 2019

Tópiko:  Ehekushon di presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata “Andere Baten”.

Apresiabel señor Minister Kenneth Gijsbertha,

Pa ami komo parlamentario ta masha importante den kuadro di mi trabou di kontrol parlamentario, pa sa dikon durante ehekushon di e Presupuesto 2019 di Pais Kòrsou tin défisitnan di entrada over de e periodo 1 Yanüari 2019 te ku 31 Mei 2019 pa loke ta trata e kategoria di entrada di “Andere Baten”.  A base di e Rapòrt di Maneho Finansiero di Mei 2019 paginá 7, mi ta aserka Minister di Finansa ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

 

  • Pachten, verhuur, agio en rentebaten: (a) Kua ta e faktornan ku ta kousa e défisit presupuestario di entradanan di pachten, verhuur, agio en rentebaten pa un suma total di  2.9 mion florin over di e periodo 1 Yanüari 2019 te ku 31 mei 2019?; (b) Kua ta e akshonnan konkreto ku lo tuma den sobra di aña 2019 pa redusí e défisit presupuestario aki?
  • License Fee CBCS Centrale Bank: (a) Kua ta e faktornan ku ta kousa e défisit presupuestario di entrada License Fee CBCS pa un suma total di  2.0 mion florin over di e periodo 1 Yanüari 2019 te ku 31 mei 2019?; (b) Kua ta e akshonnan konkreto ku lo tuma den aña 2019 pa redusí e défisit presupuestario aki ? 
  • Overige Vergunnings en Registratierecht: (a) Kua ta e faktornan ku ta kousa e défisit presupuestario di entradanan overige vergunnings- en registratierecht pa un suma total di  1.2 mion florin over di e periodo 1 Yanüari 2019 te ku 31 mei 2019?; (b) Kua ta e akshonnan konkreto ku lo tuma den aña 2019 pa redusí e défisit presupuestario aki?

 

  1. Verkopen goederen en diensten: (a) Kua ta e faktornan ku ta kousa e défisit presupuestario di entradanan di verkopen goederen en diensten pa un suma total di 0.7 mion florin over di e periodo 1 Yanüari 2019 te ku 31 mei 2019?; (b) Kua ta e akshonnan konkreto ku lo tuma den aña 2019 pa redusí e défisit presupuestario aki?

 

Por último tambe e petishon pa risibí di Minister di Finansa e siguiente spesifikashon detayá/breakdown di entradanan risibí over di e periodo 1 Yanüari 2019 te ku 31 mei 2019, pa loke ta trata:

  1. Pachten, verhuur, agio en rentebaten pa e suma di 6.7 mion florin;
  2. Overige Vergunningsrecht en registratierecht pa e suma di 3.5 mion florin;
  3. Verkopen Goederen en diensten pa e suma di 10.8 mion florin;
  4. Andere baten pa e suma di 3.7 mion florin.

 

Atentamente,

 

Curtley Obispo

Parlamentario pa Kòrsou

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: