Detenshon relashoná ku atrako ku morto komo konsekuensia.
KOMUNIKADO DI PRENSA 342 / 2019
27 ougústús 2019
Detenshon relashoná ku atrako ku morto komo konsekuensia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di atrako ku morto komo
konsekuensia ku a tuma lugá dia 2 di aprel 2015, na un kas na Rio Magdalena, polis a
detené un hòmber.
Djamars 27 di ougústús 2019, alrededor di 09.05’or, reshèrshinan di VVC, a detené e
hòmber R.L.B., nasé na Kòrsou di 33 aña di edat, na warda di reshèrshi komo sospechoso
den e kaso di atrako ku morto ariba menshoná.
E sospechoso aki aktualmente ta será pa un otro delito kometé.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.