Desaroyonan den transporte públiko ta eksigí sierto adaptashon den servisio di ABC Busbedrijf

Desaroyonan den transporte públiko ta eksigí sierto adaptashon den servisio di ABC Busbedrijf

Geplaatst op 9 Sèptèmber 2019 dor di Ministerio di Tráfiko, Transporte i Planifikashon Urbano

Willemstad – Minister di Tráfiko, Transporte i Planifikashon Urbano sra. Zita Jesus Leito i gerensia di ABC Busbedrijf,ta lamentá e konfushon ku a surgi bou di trahadónan di ABC Busbedrijf pa loke ta posibel adaptashon den servisio ku e kompania di konvoi ta ofresé na komunidat.

Un dje metanan primordial di Minister Jesus Leito ta pa regulá transporte públiko, i p’esei ta trahando riba e plan di mobilidat.

Mirando e último  desaroyonan di e usuario pa ku transporte públiko ta obligá ABC Busbedrijf pa trese sierto adaptashonnan den  e servisio ku e ta ofresé komunidat. E kambionan ta enserá regulashon di e servisio abase di e demanda di e usuario. Esaki no ta nifiká ku despues di sierto orario e usuario no tin un medio di transporte na su disposishon. Gobièrnu  i Gerensia di ABC Busbedrijf ta trahando riba plannan konkreto pa kompensá e nesesidat aki. E plannan  lo no perhudiká e usuario ni tampoko e empleado di ABC Busbedrijf.

Minister Jesus Leito su meta ta pa transporte públiko ta mas  efisiente, aksesibel, konfiabel i pagabel, di moda ku e usuario ta disidí di laga su vehíkulo na kas i move ku e medio di transporte públiko ku tin disponibel. Gobièrnu i Gerensia di ABC Busbedrijf ta sigui hasi su esfuerso pa duna mas i mihó servisio na komunidat.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: