Seis detenshon pa ladronisia di outo. (potret)

KOMUNIKADO DI PRENSA 360 / 2019
9 sèptèmper 2019
Seis detenshon pa ladronisia di outo.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 8 di sèptèmber 2019, entre 16.40 or i 18.10 or, Sentral di polis a haña varios
notifikashon for di diferente sitio tokante di un SUV 4-Runner ku algun hòben den dje. Nan
tabata kore i aktua bastante sospechoso den área di Otrobanda, kaminda nan tabata purba
na habri outonan stashoná sea dilanti òf den kurá di kas.
Mesora diferente unidat konhuntamente ku Tim di Mantenshon di Órden Públiko, a
kuminsa ku un búskeda riba e vehíkulo aki.
Riba Helmin Magno Wiels Blvd. un unidat a señalá e vehíkulo aki. Ora ku e shofùr a mira e
polis, el a hisa e velosidat i kue direkshon di Piskaderaweg. Mesora e unidatnan a start ku
un persiguishon tras di e vehíkulo. Durante di nan huida e shofùr a aksidentá den por lo
menos dos (2) vehíkulo ku tabata riba nan ruta di huida. Despues di esaki e sinku
sospechosonan ku tabata den e outo a baha i sigui ku nan huida na pia.
Alrededor di 18.20 or, riba Gouverneur van Landsbergweg e unidatnan a logra di detené
tres (3) di e sospechosonan. Alrededor di 18.35 or despues di un búskeda kòrtiku e
agentenan a logra di detené e otro dos (2) sospechosonan na Ser’i Dòmi na altura di e
lusnan di tráfiko.
Ta trata di e sospechosonan maskulino:
 Y.R.D.L. di 16 aña di edat;
 H.M. di 17 aña di edat;
 L.P. di 15 aña di edat;
 A.M.C. di 18 aña di edat i
 D.D.P.U. di 15 aña di edat, tur nase na Kòrsou.
Siguiendo ku e investigashon Polis a bai na un adrès den Marconistraat kaminda a detené e
di seis (6) sospechoso maskulino den e kaso aki, N.A.D. di 15 aña di edat, nase na Kòrsou.