Frakshon di MAN ku petishon pa un reunion di komishon Sentral relashoná ku posibel kambionan den maneho di transporte di Auto Bus Bedrijf.

Frakshon di MAN ku petishon pa un reunion di komishon Sentral relashoná ku posibel kambionan den maneho di transporte di Auto Bus Bedrijf.

 

Frakshon di MAN a tuma nota di un situashon ku tin aktualmente na Auto Bus Bedrijf den kual entre otro ke minimalisá e orario di parti anochi ku e konvoi lo kore den sierto arianan prinsipalmente den aria di Bándabou. Mas aleu nos a komprondé ku lo tin mas kambio den e maneho di Auto Bus Bedrijf ku lo no ta benefisiario pa e pueblo. E situashon aki a trese hopi tenshon serka hopi persona ku ta hasi uzo di konvoi, prinsipalmente esun di Bándabou ku den oranan di anochi ta hopi difísil pa e por haña bus.

 

Pa trese mas klaridat riba esaki frakshon di MAN konforme artíkulo 33 di reglamentu di órden di Staten a manda un karta pa presidente di parlamento ku e petishon pa  konvoká un reunion di komishon sentral pa por deliberá ku Minister di Tráfiko, Transporte i Planifikashon Urbano enkuanto kambionan den maneho di transporte di Auto Bus Bedrijf. Tambe a hasi petishon den e karta pa ta presente Gerente di Auto Bus Bedrijf pa duna informashon i splikashon na Parlamento.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: