Grupo Paraiso Hubenil ta invitá bo na “A Trip To Christmas”

Grupo Paraiso Hubenil ta invitá bo na “A Trip To Christmas”

Temporada di karnaval ta den kurpa i vários ta e gruponan ku a kuminsá prepará pa selebrashon Karnaval 50, 2020. I Grupo Paraiso Hubenil no ta un eksepshon.

Di e forma aki Grupo Hubenil Paraiso Hubenil ta bai organisá un tremendo fundraising pa asina logra fondo pa por krea algu bunita pa Karnaval Hubenil 2020. Esaki lo ta nan di dos aña formando parti di nos Marcha Hubenil.

Dia 29 òktober pa 8’or di anochi, riba Freewinds lo bai tuma lugá un konsierto ku ta hiba di nòmber “A Trip To Christmas”, ku kantantenan super talentoso i no deskonosí ku lo bai deleitá tur presente ku bunita piesanan den e esfera di Pasku i Fin di Aña.

E kantante nan invitá ta, i ku a duna nan tremendo kolaborashon ta; Jill Frans, Yentje Silvanie, Gilltaly Doran & Tito Doran, Ebony Gwenn Martis, Liesje Lispier, Joel Villareal. Un danki di kurashon na kada un di nan.

Karchinan ya ta optenibel, por yama na e number nan di telefon, 525 2222, 675 3595, 520 5558 òf 679 6057. Porta ta habri for di 7.30 i show ta kuminsá 8’or enpunto. Buska boso karchi tempran kòrda ku Freewinds no ta karga hopi hende, pero bin i sostené un grupo Hubenil i disfrutá di un tremendo show.

Danki na nos spònsernan ku nos por regalá algun premio di porta. Danki di kurashon na ACOYA  Curacao, Holiday Occasions by Roosevelt Center, Licores Maduro Store, Obelisque, Palapa Resort & Marine, Cyrell’s Asthetic Feet & Care.

Bin disfrutá di……..A Trip To Christmas

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: