Riba djaweps 5 di sèptèmber 2019 a haña e restonan mortal di dos persona na bordu di e tankero Italiano MT RBD GINO FERRETTI.

Komunikado
Djaluna 16 di sèptèmber 2019

Riba djaweps 5 di sèptèmber 2019 a haña e restonan mortal di dos persona na bordu di e tankero Italiano MT RBD GINO FERRETTI. E tankero ku ta nabega bou di bandera Italiano, tabata na kaminda di Brasil pa Statia. Na kaminda, e kapitán a mèldu e insidente ku a pasa na bordo di su barku.

E kurpa nan ku a haña ta di dos hombre di 33 i 42 aña di edat di nashonalidat Filipino. Ta sospechá ku nan a pèrde nan bida dor di un krimen. Un sospechoso di 43 aña, tambe di nashonalidat Filipino a keda detené. Kuerpo di Polis Karibe Hulandes (KPCN) a investigá e kaso ku un tim di Boneiru i Statia a base di un petishon hudisial di Italia. Aki a tende diferente testigu. A base di un petishon pa ekstradishon di Italia, a traslada e sospechoso riba djaweps 12 di sèptèmber pa e outoridatnan Italiano ku lo sigui investiga e kaso mas aleu.