KÓDIGO HEL: .UN MESAHE DI PREKOUSHON PA KALOR EKSESIVO PA KÒRSOU. Pronóstiko di tempu pa Kòrsou i bisindario bálido te djasabra mainta 6:00 o.l, 28 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djasabra mainta 6:00 o.l, 28 di sèptèmber 2019.
Kompilá: djabièrnè 27 di sèptèmber 2019, 05:00 o.l. (09:00 UTC).

KÓDIGO HEL: .UN MESAHE DI PREKOUSHON PA KALOR EKSESIVO PA KÒRSOU.

Tempu: Bientu un tiki mas fuerte awe ku wer por lo general seku. Riba djasabra sin embargo, tin un chèns leve pa awa kai.

Temperatura máksimo lo alkansá 34 ºC, i temperatura mínimo di 28 ºC.
Solo ta sali 06:25 i ta baha 18:29 o.l.

Bientu: Direkshon ost sùitost i moderá te basta fuerte; forsa 4 pa 5 (20 pa 39 km/ora, 11 pa 21 nudo). Ráfaga de bes en kuando te posiblemente fuerte; forsa 6 (40 pa 50 km/ora, 22 pa 27 nudo).

Situashon general: Awe un shelu ku tiki nubia lo sòru pa e tempu ta seku i un bes mas di poko kalor. Miéntras durante di wikènt, un fluho di airu mas húmedo for di nortost por yuda ku desaroyo di mas nubia i tambe posibilidat mas grandi pa áwaseru riba partinan di e isla.

Kondishon di laman: Trankil te moderá ku altura di olanan entre 0.5 i 1.5 meter (2 pa 4 pia).

Sistemanan signifikante di wer tropikal: Tormenta Tropikal Karen situá awe mainta riba parti wèst di Osean Atlántiko Nort ta move den nortost i ta antisipá ku esaki lo debilitá den fin di siman. Poderoso Orkan Lorenzo, ta move wèst nortwèst riba parti sentral di Atlántiko Tropikal, kedando asina partikularmente di interes pa nabegashon. Ningun di e sistemanan tropikal aki ta forma un menasá direkto pa Kòrsou.

Fenómeno spesial: Ningun.

Perspektiva te djadumingu mainta: Okashonalmente algu mas di nubia ku posibilidat pa áwaseru.

Meteorólogo: Coffie