10 òktober 2019: un bon i felis Dia di Outonomia di nos Pais Kòrsou.

10 òktober 2019: un bon i felis Dia di Outonomia di nos Pais Kòrsou.

Realidat ta ku 9 aña nos Pais Kòrsou ta un pais outónomo den Reino Hulandes. Nos tin nos Pais Kòrsou ku su propio konstitushon, e Areglo di Estado di Kòrsou, nos lei máksimo. Nos tin tambe nos Pais Kòrsou ku nos Bandera di Kòrsou, nos Himno di Kòrsou i nos Eskudo di Kòrsou, kual nan 3 huntu ta uni nos tur pa semper.

Den e outonomia aki di nos Pais Kòrsou, nos kada un su kontribushon positivo ta balioso, ta nesesario i sigur ta super importante pa progreso i desaroyo di nos Pais Kòrsou. Pais Kòrsou ta yama kada un di nos tur dia pa nos duna e kontribushon positivo aki. 

Nos Himno di Kòrsou ku e siguiente palabranan ta sigui inspirá nos tur pa tur dia pa duna nos kontribushon positivo na nos Pais Kòrsou: ”Nos pueblo tin su lucha, ma semper nos tin fe di logra den tur tempu viktoria ku trabou! Ban duna di nos parti p’e isla prosperá. Laga nos uni forsa p’asina triunfá. Nos patria nos ta demonstrá onor i lealtat, meskos na e bandera union di nos nashon”

Nos Areglo di Estado di Kòrsou ku e siguiente palabranan tambe den su introdukshon ta sigui fortalesé tur dia nos fe komo pueblo: “Ku nos fe den Dios nos lo disfrutá di su protekshon, pasombra bendishoná ta e pueblo ku tin Señor komo su Dios”.   

Un bon i felis Dia di Outonomia di nos Pais Kòrsou.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: