Asuntunan Veterinario ta organisá, Charla pa kriadó di bestia pa informá kon prevení introdukshon di malesa

Asuntunan Veterinario ta organisá,

Charla pa kriadó di bestia pa informá kon prevení introdukshon di malesa

 

Willemstad – Riba djarason 16 di òktober 2019, departamento di Asuntunan Veterinario, ta organisá un charla pa kriadó di bestia pa informá kon prevení introdukshon di malesa di nan animalnan. Esaki relashoná ku malesanan di animal kontagioso presente den eksterior ku posiblemente por keda introdusí na Kòrsou.

Lo trata en partikular e malesanan Peste Porcino Africano (PPA) i Fiebre Aftosa(FA). E promé malesa menshoná, PPA, ta kousando dañonan inmenso na kriadero di porkonan den region Asiátiko i Oropa. Banda di esei FA ta un riesgo mas den nos serkania ku nos mester keda vigilá.

Lo repasá síntomanan di e malesanan pa kada kriadó di bestia por tin un idea kiko esakinan ta enserá, kiko mester hasi ku tin sospecho di esaki i mas importante, kon prevení ku e ta keda introdusí den nan chiké, e asina yamá Bioseguridat.

Pues Asuntunan Veterinario ta invitá tur kriadó di kabritu, karné, baka i porko pa ta presente.
E charla ta kompletamente grátis i ta tuma lugá:
Fecha: Djarason 16 di òktober 2019
Sitio: Ouditorio di Selikor, Parera z/n
Orario: 5’or pa 6’or di atardi.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: