Minister Giselle mc William huntu ku CTB a realisá un Bishita di trabou na New York.

Minister Giselle mc William huntu ku CTB a realisá un Bishita di trabou na New York.

 

WILLEMSTAD- Ministerio di Desaroyo Ekonómiko (MEO) i Curacao Tourist Board siman ku a pasa tabata riba un bishita di trabou. Esaki riba invitashon di MLB Baseball na New York.

 

E bishita aki tabata den kuadro di negosashon di un kontrato nobo huntu ku MLB ku ta kanando for di ana pasa, pa bende Kòrsou turístikamente hasiendo uso di nos baluartenan yu di Kòrsou kendenan ta hasiendo un tremendo  papel aya na Merka.

Aktualmente tin un kontrato ku ta promoviendo Kòrsou den Latino Amerika. 

Riba petishon di Minister Mc William ta negoshando un kontrato nobo pa asina promové Kòrsou tambe na New York i  Miami – Florida ku ta dos destinashon di hopi interes, i ku ya tin konekshon aereo direkto ku Kòrsou.

E kombersashonnan a kana bon i minister huntu ku CTB ta en espera di e kontrato final.

.

Banda di e reunionnan ku a tuma lugá, minister a hasi uso naturalmente tambe di presensia e wega na Yankees Stadion entre NY Yankees i Minesotas Twins, ekiponan den kua nos peloteronan Didi Gregorius i tambe Jonathan Schoop taa profilá.

 

Minister Mc William una bes na New York a reuní ku algun invershonista na NY, entre nan tambe invershonista yu di Kòrsou, ku tin diferente plan pa proyekonan ekonómiko i tambe finansiero ku nan ta desea di realisa na Kòrsou. Sigur kosnan konkreto ku minister lo bai hasi tur su esfuerso pa nan por realisa esakinan.

 

Mester wak bek riba un biahe fruktífero i hopi eksitoso.

Minister lo kontinuá ku e trabounan pa pone Kòrsou su nomber haltu riba mapa, i pa desaroyonan ekonómiko nobo keda realisá na Kòrsou.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: