TREMENDO APERTURA DI FUTBÒL DI DAMA KATEGORIA U-15, U-17 I SENIOR, DJABIÈRNÈ KU DJASABRA 18 I 19 DI ÒKTOBER DEN STADION ANTOINE MADURO I TERENO DI WILLEMSTAD
TREMENDO APERTURA DI FUTBÒL DI DAMA KATEGORIA U-15, U-17 I SENIOR, DJABIÈRNÈ KU DJASABRA 18 I 19 DI ÒKTOBER DEN STADION ANTOINE MADURO I TERENO DI WILLEMSTAD!
Djabièrnè ku djasabra 18 ku 19 di òktober binidero, e gran apertura di Kampionato di Dama 2019 lo tuma lugá na tereno Dr. Antoine Maduro i na tereno di Willemstad.
E promé partido di kategoria U-15 lo tuma lugá djabièrnè 6:30 PM na e vèlt chikí di Willemstad i despues e delaster partido ta tuma lugá 20:15 PM. Kategoria U-17 tambe ta inisiá na mesun orario riba e vèlt grandi di Willemstad. Lo tin 3 partido di kategoria U-17, i e delaster partido lo tuma lugá den Stadion Dr. Antoine Maduro.
E Kampionato di Dama kategoria senior su apertura lo tuma lugá djasabra 19 di òktober ku 2 partido na tereno Dr. Antoine Maduro. E promé partido lo ta 7’or di anochi miéntras e di 2 partido lo kuminsá 9’or di anochi.
E kampionato ta hunga ku 2 buèlta i e gran final ta planiá pa tuma lugá otro aña den luna di yanüari.
Kampionato di Dama 2019 lo konta ku 3 kategoria ku ta; senior, U-17 ku U-15.
Kada kategoria tin por lo menos 5 ekipo ku ta partisipá i nan lo hunga tur wikènt riba djabièrnè ku djasabra den Stadion Dr. Antoine Maduro i na tereno di Willemstad riba ámbos vèlt. E partidonan di kategoria senior tin un durashon di 45 minüt pa banda ku un pousa di 15 minüt miéntras kategoria U-17 ku U-15 ta hunga 40 i 35 minüt pa banda ku un pousa di 10 minüt.
E kampionato di dama kategoria U-15 lo hunga 7 vs 7 riba vèlt chikí i lo konta ku total 5 ekipo, kual ta:
- Hubentut Fortuna
- Subt
- Jong Holland
- Inter Willemstad
- Excellence School
E kampionato di dama kategoria U-17 ta hunga 9 vs 9 riba vèlt adaptá i lo konsistí di e siguiente 6 ekiponan:
- Hubentut Fortuna
- Subt
- Vesta
- Inter Willemstad
- Excellence School
- Jong Holland
E kampionato di dama kategoria senior ta hunga 11 vs 11 i lo konta ku total 5 ekipo, esaki nan ta:
- Hubentut Fortuna
- Subt
- Vesta
- Inter Willemstad
- Undeba
Skema di e apertura:
U-15
Fecha | Tereno | Ora | Tim di kas | Tim Bishitante | |
18-10-19 | Willemstad U-11 | 18:30 | Excellence | vs | Subt |
Willemstad U-11 | 20:15 | Willemstad | vs | Hub. Fortuna |
U-17
Fecha | Tereno | Ora | Tim di kas | Tim Bishitante | |
18-10-19 | Willemstad | 18:30 | Willemstad | vs | Hub. Fortuna |
Willemstad | 20:15 | Excellence | vs | Subt | |
Subt | 18:30 | Jong Holland | vs | Vesta |
Senior
Fecha | Tereno | Ora | Tim di kas | Tim Bishitante | |
19-10-19 | Subt | 19:00 | Hub. Fortuna | vs | Vesta |
Subt | 21:00 | Undeba | vs | Subt |
Pues e wikèntnan ta bai ta kargá ku bon futbòl di nos damanan kuminsando e wikènt aki te ku fin di aña. Un invitashon ta bai na hinter e pueblo di Kòrsou pa bin disfrutá di bo deporte preferí i mira kiko tur nos damanan tin aden!
Kòrda ku entrada ta kompletamente grátis!
FFK i nos damanan ta warda bo!
17 di òktober 2019