MINISTER XIOMARA RUIZ MADURO PRESENTE NA APERTURA DI IMMERSE INNOVATION WEEK
MINISTER XIOMARA RUIZ MADURO PRESENTE NA APERTURA
DI IMMERSE INNOVATION WEEK
ORANJESTAD – Diaranzon anochi Minister Xiomara Ruiz-Maduro tabata presente na apertura di Immerse Innovation Week na Futura Cafe den Caya Betico Croes. Un proyecto inovativo cu Futura a hinca hopi bon den otro na unda ta figura Supernova cu ta un espacio pa nos hobennan mucha muher siña mas di e materianan di Ciencia, Engenieria, Technologia y Mathematica. Tambe Spaces den cual nos por admira diferente expresion artistico di solucion pa cambio climatico, igualdad di genero, inclusion financiero y turismo sostenibel. E pop-up Futura Cafe mes lo ta habri full e siman aki pa asina comunidad por topa otro y comparti pensamento y solucion cu otro. Como parti di e siman di inovacion lo tin e conferencia ATECH cu lo cubri e tema FUTURO di technologia, startups y ecosistema, trabou, arte y cultura. Masha pabien na Minister Presidente Evelyn Wever-Croes y full e team di Futura bou liderasco di Sra. Varelie Croes pa e bunita trabou inovativo aki pa Aruba.
