Brantwer Kòrsou ta sigui kurso di Spesialisashon di Vürwerk

Brantwer Kòrsou ta sigui kurso di Spesialisashon di Vürwerk

Geplaatst op 6 Novèmber 2019 dor di Ministerio di Hustisia

WILLEMSTAD – Den kuadro pa alsa seguridat pa e aspekto di kon pa atendé ku aktividatnan eksplosivo, i tambe ku artíkulonan ‘pyrotekniko’ na Kòrsou relashoná ku importashon i benta di vürwèrk, Minister di Hustisia huntu ku Minister di Tráfiko, Transporte i Planifikashon Urbano a haña ta importante pa bini ku un maneho nobo relashoná ku importashon i benta di vürwèrk.

Uitvoeringsorganisatie Brandweer & Rampenbestrijding tin e responsabilidat di kontrolá e aspekto di seguridat kontra kandela riba e tereno aki. Pa por kumpli ku e responsabilidat i tambe pa inisiá ku e desaroyo i duna sosten na desaroyá aspektonan konkreto den kambio i implementashon nobo di artíkulonan ‘pyrotekniko’ na Kòrsou, Brantwer ta haña hopi importante pa laga su personal informá i eduká nan mes den e aspekto aki.

Esaki mes tabata motibu ku 4 personal di Brantwer Kòrsou for di djamars 28 di òktober 2019 te djabièrnè 08 di novèmber 2019 ta na isla di Bonaire pa sigui un kurso di spesialisashon di vürwèrk. Durante di e kurso aki, e tema nan ku a ser atendé ta entre otro produkshon di vürwèrk den eksterior te na momentu di benta, ‘pyrotechniek’, vürwèrk su polvo, efektonan i tambe peligernan di vürwèrk, kalidat di vürwèrk i tambe klasifikashon di vürwèrk entre 1.1G te na 1.4S. Durante di e lès a atendé tambe aspektonan di seguridat tokante shownan di vürwèrk i tambe vürwèrk durante eventonan.

Durante 2 siman e personal di Brantwer Kòrsou a risibí lès serka dosentenan A. Van Dop i A. Heigen, ámbos inspektor i eksperto di vürwèrk na ‘Inspectie Leefomgeving en Transport Nederland’.

Parti di e kurso tambe a inkluí un dia di práktika unda e ekspertonan a sende vürwèrk i por a wak komportashon di vürwèrk, kantidat di sekònde ku un mecha mester dura i tambe aspektonan tokante lista di vürwèrk ku ta bini for di China. Ta e intenshon pa despues di e kurso aki, laga e ekspertonan bini Kòrsou tambe pa duna e mesun kurso aki, i tambe pa kontinuá ku mas di e tipo di kursonan aki relashoná ku e tema di vürwerk.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: