KOMUNIKADO KUERPO POLISIAL KÒRSOU Kaso di tiramentu ku morto.

KOMUNIKADO DI PRENSA
468/ 2019
6 novèmber 2019
Kaso di tiramentu ku morto.
Departamentu di Komunikashon i Prevenshon
KUERP
SIRBI I PROTEHÁ
Djaráson 6 di novèmber 2019, alrededor di 03.44’or, Sentral di Polis a risibí informashon ku na un sentro di dibertishon na Seru Fortunaweg un tiramentu a tuma lugá i tin un hende hòmber heridá.
E promé unidat polisial ku a yega na e sitio a topa ku un hòmber drumi abou ku herida di bala na altura di su garganta.
For di un investigashon preliminar ku polis a hasi na e sitio a resultá ku un dama a yega na e sitio den un vehíkulo blanku, baha i los tiru dirigí riba un bewaker di e sentro di dibertishon ku e konsekuensia ariba menshoná.
Personal di ambulans a hasi lo maksimo pa yuda e víktima pero e hòmber a fayesé na e sitio. Alrededor di 05.30’or dokter di polis a konstatá morto di e hòmber Richard Minguel Arcangel Albertsz, nasé na Kòrsou 21 di mei 1973.
Na e sitio polis a haña i konfiská artikulonan ku ta importansia pe investigashon.
Riba òrdu di Ministerio Públiko a tuma e kurpa sin bida den beslag pa mas investigashon.