DEPARTAMENTU DI ARBITRAHE KU TREMENDO KURSO DI ARBITRAHE! INISIO DI E KURSO LO TA 8 NÒVEMBER 2019!

DEPARTAMENTU DI ARBITRAHE KU TREMENDO KURSO DI ARBITRAHE!

INISIO DI E KURSO LO TA 8 NÒVEMBER 2019!

 

 

Departamentu di arbitrahe di FFK ta bai organisá e último kurso di arbitrahe pa e aña aki. Despues di e otro kursonan básiko di añanan anterior ku a resultá di ta un éksito, awor ta bai organisá e último kurso básiko pa tur hende muhé i hòmber di 12 aña òf mas, pa dirigí entre otro weganan di kampionato hubenil ku ta e kategorianan di U-9 te ku U-20, kampionato di dama i tambe partidonan di Liga MCB Terser Divishon.

 

Departamentu di arbitrahe ta enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan di dama mester keda dirihí pa rèfrinan femenino. Pues un yamada ta bai na tur dama pa bin duna un man i amplia nos kuerpo di arbitrahe.

E kurso lo inisiá djabièrnè, 8 di novèmber 2019 próksimo di 7’or pa 9:15 pm i lo finalisá djamars 19 november 2019 ku un èksamen di 7-9pm.
E kurso aki lo tuma lugá na FFK i e dia ku orarionan ta lo siguiente:

 

  • Djamars di 6-8pm
  • Djaweps di 6-8pm
  • Djabièrnè di 7-10pm
  • Djasabra di 9am-5pm

 

Ora kompletá e kurso ku éksito lo tin un periodo di ‘stage’ di 1 aña promé ku risibí e diploma.

Pa inskripshon por tuma kontakto ku departamentu di arbitrahe na referee@ffk.cw òf via di telefòn nan 7365057, 5112915, 5128617, 5202587. Inskripshon ta kosta fl.10 i e kurso mes ta grátis i tur material di e kurso ta inkluí. Por inskribí te ku dia 8 novèmber 2019.

Pa abo ku ta un hóben dinámiko ku outoridat i ku ambishon, esaki ta bo oportunidat pa bira rèfri.

Inskribí awe mes, Departamentu di arbitrahe i FFK ta warda bo!

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: