Tepnan pa propietarionan di negoshi.

KOMUNIKADO DI PRENSA
469/ 2019
8 novèmber 2019
Tepnan pa propietarionan di negoshi.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku tepnan pa sigui konsientisá komunidat riba kon evitá mas tantu posibel di
bira víktima di atrako, seguidamente Kuerpo Polisial ta duna algun rekomendashon balioso
pa doñonan di negoshi.
 No habri ni sera bo negoshi bo so. Preferiblemente bai ku un òf mas persona i laga
nan wak bo alrededor miéntras bo ta habri òf sera bo negoshi;
 Sòru pa bo negoshi su porta i bentananan ku ta esnan mas vulnerabel, ta sera bon.
Pone bon lòk riba nan i si por tambe alarma ku ta konektá ku un kompania di
seguridat;
 Mèldu polis semper si tin kualke situashon sospechoso rònt di bo establesimentu;
 Animá klientenan pa medio di bòrchinan visibel, pa paga mas tantu posibel via e
sistema di ‘swipe’. Ménos sèn kèsh den kaha, ta mas sigur;
 Sòru pa sèn kèsh, karchi di telefòn i bònnan di regalo no ta na alkanse di kliente;
 Konta plaka semper den un espasio sera i for di bista di kliente;
 Pone bòrchi i/òf stekernan visibel ku ta indiká: “Tin kámara di vigilansia” òf “aki no
tin kaha fuerte”;
 Sòru pa e personal di bo negoshi ta visibel den e establesimentu. Tambe na
momentu ku no tin kliente;
 Saka sèn kèsh regularmente for di den kaha i warda sumanan di plaka grandi
mesora. Trata pa bo sèn di kambio den kaha ta limitá;
 No bai kas nunka ku benta di dia. Hasi uso di un kompania profeshonal di transporte
di kosnan di balor;
 Si bo mes ta bai banko bai depositá plaka, hasi esaki huntu ku un persona mas i bai
riba dia i oranan varia. Kòrda hasi uso kada bia di rutanan diferente;
 No usa saku di plèstik pa hiba sèn banko i sigur no ku nòmber di bo negoshi ariba;
 Tene entrada di personal i e entrada di depósito será tur momentu, te na momentu
ku tin entrega di merkansia;
 Instalá sufisiente lus rònt di bo negoshi i sòru tambe pa kámara pafó di bo negoshi;
 Sòru pa lus di emergensia na momentu ku koriente bai, pa por keda atendé e
klientenan na un manera seif, promé ku sera e negoshi;
 Traha un ‘draaiboek’ di kiko hasi durante di un atrako i laga pa e personal ta na
altura di e prosedimentu i uso di e fasilidatnan di seguridat;
 Komo propietario, trata pa den besindario di bo negoshi semper ta limpi. Sushi
kombiná ku mata di mondi rondó di bo negoshi ta hasi atraktivo pa e atrakadó.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: