Site icon KIKO TA PASANDO NOTISIA I INFORMASHON

Banco di Caribe na Sta. Maria kla pa sirbi atrobe

Advertisements

Banco di Caribe na Sta. Maria kla pa sirbi atrobe

 

WILLEMSTAD- NOV 2019:  Di un manera festivo Banco di Caribe a hasi reapertura di su filial na Sta. Maria ayera mainta. Despues di un remodelashon ku a kuminsá na luna di yüli último, di tantu e interior komo e eksterior di e edifisio, Banco di Caribe na Sta. Maria a bolbe abri su portanan.  “Nos ta masha kontentu di awe por hasi reapertura di e di dos filial mas grandi di Banco di Caribe na Kòrsou. Nos brènch na Sta. Maria a bin ta sirbi klientenan den e área di Sta. Maria i Bándabou diariamente for di su apertura na aña 1992. Awe, despues di un remodelashon ekstenso, e filial ta konta ku tur karakterístika moderno i un fachada renobá ku ta kuadra ku estilo nobo di Banco di Caribe. E filial aki ta kla pa drenta 2020”, esaki di akuerdo ku Dito de Kort, Managing Director, di Banco di Caribe. 

 

E selebrashon a konta ku presensia di e personal di Banco di Caribe Sta. Maria, maneho di e banko i miembronan di prensa. Durante di e seremonia Banco di Caribe a hasi donashon na 3 instansia den e área di Sta. Maria i Bándabou kua ta Bos di hubentut, Sentro di Bario Santa Maria i Verpleeghuis Betèsda. Ta gradisí kada un di nan p’e trabou i esfuerso ku nan a bin ta hasi den e área aki. 

 

Banco di Caribe Sta. Maria ta selebrá!

Henter e siman aki Banco di Caribe Sta. Maria ta selebrá ku su klientenan; na momento ku lanta sèn na un di e ATMnan ku un tarheta di débito di Banco di Caribe na e edifisio resien remodelá un total di 15 kliente lo tin chèns di gana 100 florin. Tambe, tur hende ku apliká pa un tarheta di krédito lo risibí su promé aña di miembresia grátis. Den e periodo aki ta bon pa bo kumpra un MultiCard ya ku e ta kosta únikamente 12.50 dòler, kontrario na su preis normal di 25 dòler pa 2 aña. Tambe, tur esnan ku apliká pa un fiansa personal lo risibí un interes spesial! Pa kondishonnan di e kampaña bishitá http://www.bancodicaribe.com. 

 

Banco di Caribe Sta. Maria ta invitá tur su klientenan di semper i komunidat di Kòrsou, spesialmente área di Sta. Maria i di Bándabou pa selebrá e siman di nan gran reapertura. Banco di Caribe Sta. Maria ta mantené su orarionan kustumbrá, di djaluna pa djabièrnè for di 8’or di mainta pa 4’or di atardi.   

 

Exit mobile version