FUNDASHON DOJACMC ta presentá ‘KONSIERTO DI JAZZ DI THANKSGIVING & BENDISHON”

FUNDASHON DOJACMC ta presentá ‘KONSIERTO DI JAZZ DI THANKSGIVING & BENDISHON”

 

Djaweps 28 di novèmber benidero, Fundashon DOJACMC i su spònsernan ta presentá den kuadro di e proyekto “Punda Vibes” di DMO, final di e di 4 edishon di su proyekto “Jazz Vibes Live”. E lugá ta Plaza Djodjo Correa i e orario ta di 7’or pa 10’or di anochi. Manera ya ta kustumber e konsierto aki lo ta kompletamente gratis, miéntras ku su título lo ta: ‘Konsierto di Jazz di Thanksgiving i Bendishon’. Lo tin presentashon di e legendario saksofonista di Jazz yu-di-Kòrsou John James Willekes (“JJ COOL”), The Cool Jazz Experience Band, kompañá pa maestro Gregory Colina i vokalista Charaima Perozo komo special guest. Lider di banda JJ COOL, lo presentá un repertorio consistiendo di jazz klásiko inspirativo, di gospel i komposishon original. E ta invitá tur 60-plussers pa bishitá e konsierto liber aki, sperando ku e lo yena nan ku amor, energia positivo i bendishon. Sigun Sra. Edna Monifa Willekes-King (LadyMo), P.R. director i host di Fundashon DOJACMC, e konsierto ta dediká na nos Grandinan i nos Seniornan di Jazz, komo gesto di rèspèt i rekonosimentu na siudadanonan balioso den komunidat, dor di deleitá nan ku muzik elevativo awor na siere di aña. Adishonalmente, meta di e último konsierto aki ta pa públikamente ekspresá sintimentu di gratitut i apresio na diferente spònser, famia, amigu i boluntario pa nan aporte inkondishonal i asina yuda tene bibu legado di muzik di jazz aki na Kòrsou. E ambiente riba Plaza JoJo Correa lo inkluí tambe stèntnan kaminda e públiko presente por kumpra diferente sorto di artíkulo manera e.o. goya i obra di man, miéntras ku un kantidat limitá di ‘The Jazz Legend Postal Stamp’ lo ta optenibel. Tambe esnan presente por partisipá na diferente loteria i asina gana premionan atraktivo ofresé pa diferente spònser. Tradishonalmente lo instalá tambe un Bar ku snèk i kos di bebe riba e plènchi. Bini unu bini tur bin gosa di un fenomenal nochi di Jazz aki, kombiná ku vürwerk pa masoménos 8.15 den kurason di Punda.  Nos ta supliká pa bini ku Bo mes stul. Pa mas informashon bishitá página DMO Punda Loves You Event. Pa posibilidat di benta, tuma kontakto ku Sra. LadyMo via: kuumbadecor@yahoo.com òf telefon 675-5027.

                                                                                                     Sra. Edna Monifa Willekes-King

                                                                                                    Sekretario Fundashon DOJACMC 

                                                                                                                      Tel: 675.5027