PARLAMENTO Komunikado relashoná ku un reunion komishon fiho di Hustisia di Parlamento ku Stichting Slachtofferhulp Curaçao
PARLAMENTO Komunikado relashoná ku un reunion komishon fiho di Hustisia di Parlamento ku Stichting Slachtofferhulp Curaçao
Willemstad- Dia 19 di novèmber 2019 komishon fiho di Hustisia di Parlamento a reuní ku representantenan di Stichting Slachtofferhulp Curaçao (SSHC). Durante e reunion aki e miembronan di Parlamento presente a haña un splikashon amplio di e diferente responsabilidatnan ku SSCH ta atendé diariamente i e retonan ku ehekushon di esakinan ta trese kuné. Ademas SSHC a trese dilanti e desafionan finansiero i hurídiko ku e fundashon aki ta keda konfrontá kuné ya pa algun aña kaba. Miembronan presente a hasi uso di e oportunidat aki pa trese diferente opservashon dilanti i hasi diferente pregunta na e representantenan di SSHC i huntu a deliberá i interkambiá ekstensamente riba diferente tema. Na nòmber di komishon presidente, sr. Jeser El Ayoubi, ke gradisí Stichting Slachtofferhulp Curaçao pa nan bishita na Parlamento i alabes ta gradisí Stichting Slachtofferhulp Curaçao pa e trabounan dediká na benefisio di nos komunidat.
