Kòrsou ta partisipá na Foro Mundial di Kultura

Kòrsou ta partisipá na Foro Mundial di Kultura

Geplaatst op 21 November 2019 dor di Ministerio Enseñansa, Siensia, Kultura & Deporte

WILLEMSTAD – PARIS. Djamars 19 novèmber 2019 un kandidat di 120 minister di kultura durante di e enkuentro na e di 40 konferensia general di UNESCO/Paris, a diskutí tokante e ròl transversal ku kultura mester hunga den maneho públiko di kada pais pa por stimulá i garantisá desaroyo sostenibel den kada pais.  E Foro Munidial aki di Kultural  a keda habrí pa Direktor-General di UNESCO, Audrey Azoulay, di un forma al kaso i emoshonante.

Kultura (no konfundí ku folklore)  tin un konsèpto nobo ku na 1982, durante e konferensia mundial  “Mondiacult” na Mexico a haña un definishon mas amplio. Kultura den e konsepto mundial ampliá ta para pa un sèt di karakterístika spiritual, material, intelektual i emoshonal di sosiedat ku ta enserá alabes arte i literatura, estilo di bida, forma di biba huntu, norma i balornan, tradishon i kreensha.  Durante di e foro Kultural aki, esun di mas grandi despues di mas di binti (20) aña, un kantidat di Minister a haña oportunidat pa elaborá riba nan maneho di kultura, su ehekushon i e retonan.

Minister di Kultura sra. Marilyn Alcalá-Wallé, di Kòrsou, Karibe, tambe tabata un di e invitadonan pa a tene un intervenshon/disertashon. Sra Alcalá-Wallé a para ketu na e tres prioridatnan riba nos Kultura di Union den Diversidat, siendo:

  1. Nation Building, saliendo for di e konsepto nobo di e “Persona Ideal di Kòrsou” (kon nos komportashon i aktitut mester ta den sosiedat i ora ta anda ku otro);
  2. Kultura i Arte den nos skolnan ( e.o. E sektor kreativo/ Economia Naranja i konservashon di nos kultura, manera atenshon pa nos herensia musikal Ka’i Orgel);
  3. Promoshon di ekspreshon kultural bou di nos komunidat.

Durante e seshon speshal aki tur pais a risibí instrumentonan i indikadornan pa mehorá nan maneho kultural kaminda e maneho ta bira mas fuerte  pa por yega na sosiedatnan mas sostenibel.

Komunikashon

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: