REFINERIA DI KORSOU TA INISIA PROSESO DI TRANSISHON KU PDVSA

REFINERIA DI KORSOU TA INISIA PROSESO DI TRANSISHON KU PDVSA

Willemstad- Refineria di Kòrsou (RdK) a inisiá e proseso pa yega na un transishon harmonioso di e refineria na momentu ku e kontrakt aktual, pa maneho i operashon di nos refineria, terminá na  fin di e aña aki. Danki na e eksonerashon,resientemente otorgá dor di Office for Foreign Asset Control (OFAC) pa sanshonnan Merikano riba entidatnan Venesolano, Kòrsou awor tin espasio pa den 2020 finalisá e transishon na un forma harmonioso i den tur trankilidat. RdK a inisiá e trámitenan pa huntu ku Petroleos de Venezuela (PDVSA) duna kontenido na e fase di transishon. Pa e motibu aki tin un delegashon di RdK ku lo sali próksimamente pa Venezuela pa hiba kombersashon ku Presidente di Petroleos de Venezuela Sr. Manuel Quevedo.  E paso aki di RdK a keda aprobá pa Hunta di Komisario di RdK i Gobièrnu di Kòrsou, ku ta akshonista di RdK.

Bal enfatisá ku e kòmbersashonnan ku PDVSA ta pa duna kontenido na e transishon i no ta negosiashon den kuadro di prolongashon di e kontrato eksistente. Mientrastantu e negosiashonnan pa yega na un akuerdo pa maneho i operashon di e fasilidatnan petrolero di Kòrsou, despues ku e aktual kontrakt terminá, ta sigui den tur su intensidat.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: