Frakshon di PAR ta sumamente satisfecho ku e logro di RDK i Gobièrnu di Kòrsou

Frakshon di PAR ta sumamente satisfecho ku e logro di RDK i Gobièrnu di Kòrsou

 

Frakshon di PAR a tuma nota ku e siman ku a pasa un delegashon di RDK i sindikatonan a biaha pa Venezuela, pa evaluá un disponibilidat mutuo pa introdusí un periodo di transishon ku Refineria ISLA. E resultado positivo di e bishita, un akuerdo entre RDK i Refineria ISLA pa yega na un periodo di transishon despues ku e kontrato aktual terminá na desèmber 2019.

 

Ku e último lisensia spesial di OFAC, RDK di un forma realístiko i responsabel por evaluá un periodo di transishon adishonal ku Refineria ISLA. Sin esaki e garantia ku krudo lo por a  yega, debí na e diferente sanshonnan tabata muchu riesgoso. Awor a keda na RDK i Refineria ISLA pa negoshá bou di kua akuerdonan e periodo di transishon aki lo tuma lugá. 

 

Frakshon di PAR ta satisfecho pa e posibilidat di èkstra tempu ku a keda logra ku e lisensia di OFAC, esaki tantu pa Refineria ISLA, komo pa pais Kòrsou. Awor kada un entidat por traha ku mas trankilidat riba e finalisashon di e kontrato aktual. RDK por kontinuá e proseso pa yega na un operador nobo ku ménos preshon debí na e periodo di transishon i refineria ISLA por finalisá e akuerdonan di sesantia ku e empleadonan. Pero mas importante ainda un seguransa ku entre fin di e kontrato aktual i unu nobo lo no tin un bashí pa e trahadónan. 

 

Un palabra di pabien di parti frakshon di PAR na Promé Minister Rhuggenaath i tambe e tim kompleto di RDK, na kabes sr. De Lannoy, ku sin duda ta trahando ku alma i kurpa pa salbaguardiá e sektor di refinashon i e kuponan di trabou direkto i indirekto. 

 

____________________________________________________________________________________

Ana Maria Pauletta 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: