NA MEMORIA DI PADU DEL CARIBE

NA MEMORIA DI PADU DEL CARIBE

WILLEMSTAD/ORANJESTAD – Direktiva di AMAK siman pasa a tuma nota di fayesimentu di Sr. Juan Chabaya Lampe, mihó konosí komo Padú del Caribe na e edat di 99 aña. Padú del Caribe den Antia Ulandes tabata un dje musikonan grandi ku e pais ei a konosé.

Su varios kreashonnan ku a duna un aporte no solamente na musika di Aruba, pero tambe na Korsou i Boneiru, ta un muestra ku na nivel kultural, sigur e Islanan ABC tabata hopi ku otro.

Un dje kansionnan ku Padu del Caribe a yega di skibio i te hasta kanta ta “Abo So”, kual ta un kansion ku te ku e dia di awe, pero sigur den futuro lo keda zona pa eternidat.

Direktiva di AMAK, lamentablemente no por ta presente na okashon di rindimentu di ultimo despedida di e gran musiko Antiano aki. For di aki nos kier a manda palabranan di kondolensia na famianan di e gran musiko aki, pero tambe na su koleganan musiko di Aruba i pueblo di Aruba, ku a perde un gran musiko.

Padú, sosega na pas

Direktiva di AMAK