Kontrol intensivo di polis ku detenshon.

KOMUNIKADO DI PRENSA 506 / 2019
7 desèmber 2019
Kontrol intensivo di polis ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 6 di desèmber 2019, personal di warda di polis di Otrabanda den kombinashon ku
Tim di Mantenshon di Òrdu, e unidat di polis enkargá ku tareanan spesial (UST), personal di
reshèrshi, Duana, MEO i CurMil a tene un akshon di kontrol den e área di Otrabanda.
Durante di e akshon aki, a detené un kantidat di persona ku tabata den posishon limitá di
droga.
Ademas di esei, a detené e siguiente personanan aki tambe:
 H.R.M. di 38 aña di edat nase na Kòrsou. Durante di un entrada hudisial na su kas
den Van Dijksteeg, a bin topa un gran kantidat di droga, basta sèn kèsh i atributonan
pa prosesá droga. A konfiská esakinan pa mas investigashon.
 C.C.C. di 66 aña di edat nase na Kòrsou. Durante di un entrada hudisial na su kas
den Spaanschesteeg, a bin enkontrá un gran kantidat di droga, sèn kèsh i
atributonan pa prosesá droga. A konfiská esakinan pa mas investigashon.
 C.A.G.T. di 47 aña di edat nase na Kòrsou. Ta trata di un sospechoso ku ya tabatin
òrdu di búskeda i aresto di dje, en konekshon ku un kaso di pegamentu di kandela
dia 30 di òktober último den Brionweg.
A presentá tur e 3 sospechosonan aki dilanti di un fiskal ouksiliar, ku a ordená nan
enkarselamentu, pendiente di mas investigashon dor di respektivamente personal di
narkótika i VVC.
Mas leu, e departamento di M.E.O. a sera dos establesimentu di HoReCa den
respektivamente Kura Piedra i Frederickstraat, ku no tabata kumpli ku higiena ni e lei ku ta
regla merkansia.
A detené tambe 20 dama i un hòmber di diferente nashonalidat, ku tabata permanesé ilegal
riba nos isla.
A entrega nan na e departamento di imigrashon ku ta kontinuá ku e proseso di
deportashon.
E kontrolnan aki lo kontinuá.