Entrega di pèrmit di konstrukshon Corendon Mangrove Beach Resort pa fase 2 

Entrega di pèrmit di konstrukshon Corendon Mangrove Beach Resort pa fase 2 

 

Willemstad – Dia 11 di desèmber 2019, Minister Zita Jesus Leito huntu ku Servisio pa Planifikashon Urbano (ROP) a hasi entrega di e pèrmit di konstrukshon na Corendon Mangrove Beach Resort pa fase 2. 

 

Entrega di  pèrmit di konstrukshon ta nifiká ku, ku realisashon di e proyekto aki  Corendon ta bira e hotèl di mas grandi na Kòrsou ku un kantidat di 800 kamber. Esaki lo generá trabou pa nos hendenan lokal, pa ku konstrukshon di e hotèl i tambe pa e sektor di turismo.

 

Alabes e ta nifiká ku e área di desaroyo di Rif, komo área di prioridat pa Gobièrnu di Kòrsou, ta bai konosé mas proyekto konkreto, banda di e proyekto ku aworakí ta den ehekushon, ku ta e área di parke di Mangel. 

 

Minister Zita Jesus-Leito huntu ku ROP ta kontentu pa por aportá huntu na desaroyo i progreso di Pais Kòrsou.