Polis ta atvertí komunidat pa bai ku koutela.

KOMUNIKADO DI PRENSA 515 / 2019
12 desèmber 2019
Polis ta atvertí komunidat pa bai ku koutela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kuerpo Polisial ta konsiente ku en bista di e último desaroyonan ku a surgi na Giro Bank, ku
mañan djabièrnè 13 di desèmber 2019, probablemente un kantidat di persona, mas ku
normal, lo akudí na filialnan di e banko aki òf su bankomátikonan, pa hasi transakshon.
Polis, den su responsabilidat di sòru pa seguridat di tur siudadano, ta atvertí esnan ku ta bai
lanta sèn, pa no kana ku kantidat grandi di sèn kèsh ni warda montante grandi di sèn na
kas.
Den kuadro di mantenshon di òrdu públiko, polis lo ta visibel na i den besindario di e
instituto finansiero aki i ta hasi un apelashon na tur persona ku ta bishita e banko, pa sigui
tur instrukshon i òrdu duná dor di tantu e personal di seguridat, V.K.C. i tambe polis
inmediatamente.
No ta permití ni tolerá ningun situashon ku sea por kousa peliger òf opstakulisá e desaroyo
normal di e bida di tur dia.
Kuerpo Polisial ta konta riba un bon komportashon di tur siudadano, respetando otro i
reglanan vigente den nos komunidat.