Lei Nashonal kontra komportashon ofensivo na trabou.

Lei Nashonal kontra komportashon ofensivo na trabou.

 

Durante e siman ku a pasa e tim ku ta konsistí di Karin Bosman, Renata Nieuw i Ana maria Pauletta a reuní pa evaluá i definí e trayekto di e lei di komportashon ofensivo i intimidashon seksual na boka di trabou.

 

Sifranan ta mustra ku 66% di e forsa laboral di Kòrsou ta konfrontá intimidashon (seksual) na boka di trabou. E kantidat di kasonan di komportashon ofensivo i intimidashon seksual na boka di trabou, ta subiendo rònt mundu. I komo pais, Kòrsou mester garantisá ku tin leinan laboral ku ta protehá tur trahadó. Pa e motibu aki sra. Karin Bosman eksperto riba e área di komportashon ofensivo na boka di trabou, sra. Renata Nieuw hurista i sra. Ana Maria Pauletta miembro di Parlamento di Kòrsou a uní pa traha riba e proyekto di lei aki. 

 

E promé vershon di e lei Intimidashon Seksual na boka di trabou a keda entregá na aña 2017 na Parlamento di Kòrsou. Un di e konsehonan di Raad van Advies (RVA) riba e lei tabata pa den e lei definí e konsepto di intimidashon seksual i un pregunta di RVA tabata dikon no a inkorporá sanshon den e lei. Durante e último añanan e tim a reuní ku diferente partner stratégiko i tambe organisá enkuentronan di informashon. Tur esaki ku e meta pa risibí kontenido pa fortifiká e lei. 

 

E siman ku a pasa e tim a reuní basá riba kombersashonnan ku terser, konsehonan di SER i tambe RVA pa evaluá si e kambio den Kòrsou su Kódigo Sivil so,  lo ta sufisiente pa kumpli ku e meta di e lei. I konhuntamente a yega na e desishon ku e meta di e lei ta keda mihó sirbi den un lei nashonal. E lei aki lo kontené for di definishon di komportashon ofensivo na boka di trabou te posibel sanshonnan. I ademas kua ta e diferente tipo di komportashon ofensivo i e obligashonnan di e doño di trabou pa garantisá un ambiente di trabou sigur. E lei aki lo sirbi komo pilar pa e sektor sosial-laboral na Kòrsou. E tim lo entregá e lei di Intimidashon Seksual na boka di trabou den promé trimèster di aña 2020. 

____________________________________________________________________________________

Ana Maria Pauletta

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: