Introdukshon Partido Kòrsou Esun Mihó
Introdukshon Partido Kòrsou Esun Mihó
KEM ta un partido ku un ideologia sosial demokrat, inovativo i progresivo adekuadamente pa nos pais.
Nos ta para pa libertat, igualdat demokrasia i liderazgo ku lider nan hustu. P’sei nos ke informá ku e partido aki ta unu pa sirbi tur gremio, rasa, i nivel sosial. Ta importante pa pueblo sa ku e hende di ménos rekurso i oportunidat den nos komunidat ta haña tur nos atenshon, orientashon. Nos lo persistí pa esnan mas vulnerabel por ehekutá un kambio supstansial den nan situashon di bida aktual.
Algun punto di atenshon ku Partido Kòrsou Esun Mihó ke traha riba dje pa e komunidat di Kòrsou:
- Mihó sistema di edukashon
- Subi e balor propio di e Yu di Kòrsou
- Trese kambionan pa krese nos ekonomia i trese mas oportunidat pa e komersiante lokal
- Modernisá leinan antaño pa benefisiá e komunidat riba tereno sosial, ekonómiko i edukashonal
- Krea posibilidat di kasnan pagabel pa komunidat
- Krea oportunidat igual di skol i trabou pa e área nan ménos privilegia.
Partido Kòrsou Esun Mihó ta kere den outonomia di Pais Kòrsou i ku nos mester sigui traha riba puntonan ku mester mehorá riba e tereno aki pero tambe nos ta kere ku nos tin ku bai traha di un manera mas estrecho ku Hulanda pa por benefisiá di e ful potensial di ta den Reino Hulandes.
Ku esaki nos kièr duna un introdukshon chikí di Partido Kòrsou Esun Mihó I anunsiá ku den futuro pueblo di Kòrsou lo bai tende konsekuentemente di Partido KEM den media, den barionan i riba retnan sosial.
I pueblo lo por semper akudí serka nos na nos sede na Roodeweg 116, Otrobanda.
Atentamente,
Direktiva di Partido Kòrsou Esun Mihó
