Detenshon relashoná ku un kaso di atrako.

January 10, 2020 REDAKSHON

KOMUNIKADO DI PRENSA 012 / 2020
10 yanüari 2020
Detenshon relashoná ku un kaso di atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di atrako ku a tuma lugá dia
23 di òktober 2019 riba depósito di un supermerkado den Mahaai, polis a detené un
hòmber sospechoso.
Djabièrnè 10 di yanüari 2020 alrededor di 08.15’or, personal di Tim di Atrako, riba
ordu di Ministerio Publiko, a detené e hòmber sospechoso Z.Z.E.M., nasé na Kòrsou
di 23 aña di edat.
Detenshon a tuma lugá na un “carwash” riba Winston Churchillweg.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.