Pronóstiko di tempu pa Kòrsou i bisindario bálido te djadumingu atardi 18:00 o.l., 12 di Yanüari 2020
Pronóstiko di tempu pa Kòrsou i bisindario bálido te djadumingu atardi 18:00 o.l., 12 di Yanüari 2020.
Kompilá:
djasabra 11 di Yanüari 2020, 17:00 o.l. (21:00 UTC).
Tempu:
Shelu lo ta parsialmente nublá i e fluho di bientu ta sigui de bes en kuando duru. Tambe tin un chèns leve pa algu di áwaseru di durashon kòrtiku.
Temperatura máksimo lo alkansá 30ºC i temperatura mínimo 25ºC.
Solo ta sali 07:00 i ta baha 18:28 o.l.
Bientu:
Direkshon ost i basta fuerte te fuerte; forsa 5 te 6 (31 te 50 km/ora, 17 te 27 nudo). Prinsipalmente den dia, de bes en kuando duru den ráfaga; forsa 7 (51 te 61 km/ora, 28 te 33 nudo).
Situashon general:
Un sistema di preshon haltu fuerte riba Atlántiko ta sòru pa e fluho di bientu duru den nos área persistí tambe durante e fin di siman aki. E bientu fuerte lo sigui kousa olanan haltu prinsipalmente riba laman habri i tambe riba laman na nort i ost di e isla. Pa e motibu aki e nivel di alerta, ”Un Vigilansia pa Laman Brutu”, ta sigui na vigor. Di otro un banda, pa sobrá di awe i mayan djadumingu, no ta antisipá áwaseru di importansia. E situashon aki lo kambia den kuminsamentu di otro siman, na momento ku ta premirá áwaseru di mas intensidat.
Kondishon di laman:
Basta brutu te brutu ku altura di olanan entre 2 te 3 meter (6 pa 10 pia) riba laman habri i e parti na nort i ost. Na e otro áreanan, moderá te basta brutu ku altura di ola entre 1.5 te 2.5 meter (4 pa 8 pia).
Fenómeno spesial:
Ningun.
Perspektiva te djaluna atardi: P
Parsialmente te hopi nublá ku algun áwaseru lokal.
Meteorólogo:
Coffie