Advertisements

Kwestie betaling parkeergelden in de binnenstad van Willemstad

Referiendo na e susesó di djaluna ùltimo 22 februari 2018 kaminda suskritó su auto a wordu di klem na su wiel inhustamente dor di funshonario di PAC na e tereno privá riba Plasa Frater di Tilburg na Otrobanda den e vak di parkeer destiná pa uso di patientnan ku tin ku bai druktank lo siguiente :

Pa loké a sosodé  ya ta altamente konosí I deskribí na tantu gerensia di PAC, funshonario di Ministerio di VVRP i komo medio di komunikashon lokal I mi lo no bai den ripitishon atrobe riba di esaki.

Mi ta siguí ta di opinion ku e ehekushon di klem di wiel ihustamente hasi aki a wordu ehekuta sin tabata tin mester di a tuma luga i ku mal uso di poder polisial pa ke a logra kobransa pa ku e klem di wiel aki. Tambe a deprivá mi di hasi uso di mi outo (strafrecht.) aktuando kontra lei vigiente establesé

E tereno di Plasa Frater ta un lugá ku e tereno ta priva ku ta pertenesé na e organisashon di Frater nan di Tilburg ( Oud Sint Thomas College ) I hamas e kaminda aki ta un openbare weg. Sino pa años esaki a wordu usa komo sifuera ta un kaminda esaki ta te pa e wordu  usa komo parkeerplaats pa años dor di PAC I kobra pa hende por parkeer riba e tereno aki.

Kobransa pa klem di wiel  ta un negoshi lukrativo i ademas den nos leinan “opsporingsambtenaar di Politie of “Buitengewoon Agent di Politie (BAPol) ta wordu huramenta pa kumplí ku lei i aktuá konformé di e menos lei aki.  

Asta ora Politie traha un procesverbaal (but) lo bo tin e òportunidat di por defendé bo mes den korte òf bai paga e but korespondiente na parket di justicia na Waaigat na Scharloo. Si akaso bo paga esaki adelantá na e ofesina konserni di justisia promé ku e fecha of bo no presentá na korte dia di e kaso bini dilanti un hues lo diktá e sentensia pa’bo.

Pero loké  a pasa na Plasa Frater di Tilburg enfrente di edifisio di Druktank ta un violashon di lei(nan)  na gran eskalá i pa korona e obra hasi uso di funshonario Polisial sin konosementu pa forsá algu ku ta kompletamente ilegal I fuera di nan trabou pa hasi mal uso di poder. Sperando ku di e manera aki lo mi kumpli ku e pago. Demonstrashon di poder ku uso di “sterke arm” esta Politie lo no kambia mi di prinsipio i balor  humano di ta hende.  Komo suidadano I konosementu di lei esaki ta algu inakseptabel i fuera di ordu i lo mi atenté esaki mas aleu ku e outoridatnan kompetente.

Konkluí mi a tuma nota ku PAC ta operando kompletamente di forma ilegal i sin ningun outorisashon legal for di 1 januari 2018. i ku Gobiernu di pais Kòrsou no tin ningun konbenio ku e kompania for di 31 -12 -2018 kaminda e konbenio a termina despues di un lisensia di 10 aña. Ku otro palabra PAC no tin ningun outoridat legal pa sigui hasi e trabounan ku nan ta hasiendo esta di kobrando sen pa parkeer den sentro di suidad Otrobanda i Punda i bisendario.

Banda di esaki mi auto ta di parker na un luga reserve pa patient(nan) pa bai druktank na Otrobanda. Wak e dekreto di Stichting StadsVernieuwing (SSV) ku e kompania Global Metals 10 juni 2007 I ku despues kambia di kompania den Park Authority Curacao (PAC.) 23-2-2010.   Otro akto illegal di PAC. Wak e dekreto di Gobiernu pa duna lisensia na PAC den periode 2007 pa 2017.

Pa loke ta e klem di wiel lo siguiente mi persona a wordu deprivá di hasi uso di mi outo dor di e klem mi wiel di outo aki.(strafrecht) esaki lo mi atenté na su debido tempu.

Konsekuentemente PAC a bolbe hasi uso robes di “sterke arm” esta polis pa logra kobransa dje fl 25,= pa ku e klem di wiel aki riba luga di parkeervak sin ningun number registra abou. I pa komo nr. 1244 di kual ta e luga destina pa parkeerplaats na druktank (E mundu riba su kabes, anto ké abusá tambe wel wel)  Adhuntu e dokumentu na nòmber di Gobiernu di Pais Kòrsou (SSV).

Pa loke ta e reakshon di PAC riba nos aktuashon lo mi no bai gastu mi tempu ku esaki. Lo mi keda riba e echonan. Mi ta lamenta si ku ké laga parsé komo sifuerá manera nos ta onbeschop i no sa kiko nos ta hasi. A propo nos si ta dokumentá nos mes bon i ta bon disipliná sali for di kas di hende drechi ku balor i prinsipio fundamental di bida, i no hende drecha te ku ta para komo kapa pa un otro .                      “ Anto ku no por ku bèrdat”,Paso bérdat ta hasibo liber i ta un bérdat tin no tin mas bèrdat.

Pesei nos ké aserká bo persona Sra. Zita Jesus Leito komo titular di e ministerio di Transporte I trafiko  Planifikashon Urbano enkarga ku e asuntu di parkeermentu den sentro di suidad Punda komo Otrobanda I bisendario  ku lo siguiente :

  1. Pa di imediato tuma e medidanan nesesario pa konformé nos leinan i konbenio ku PAC ku a termina dia 31 -12-2018 krese klaridat di e komunidat aki.
  2. Evualashon di periodo 2017- 2017 opera dor di PAC i ki ta e benefisio ku e komunidat aki tabatin ku e konbenio aki.
  3. Kuminsa ku e proseso pa hasi un destaho publiko nobo pa un miho maneho di parkeermentu di sentro di suidad, i ku miho kondishon mas faborabel i sosial pa ku e komunidat aki.
  4. Kaminda e pueblo lo tin benefisio di e sen(nan) ku ta wordu kobra pa parkeermentu den sentro di suidad I bisendario i ku e klem mentu di wiel di outo iresponsabel aki.
  5. Adhuntu nos ta pon’e e rapport di “ARNA” Kontrolaria General di aña 2012 aserká pa bo informashon adishonal I loke ku e kompanioa mester a kumpli kun’e.

Suskrito ta spera di a kontribui na un miho maneho di parkeermentu den sentro di suidad i bisendario teniendo kuenta ku nos realidat spesifiko. Nos ta spera ku Sra Leito lo atente e topiko aki ku e deligiensia nesesario di Good Governance Practice” pa nos no mester haña nos ta tuma otro stap (nan) ku despues nos mester lamenta esaki.

Atentamente,

 

Lionel Sambo. p.i.

Krakeek 45

lionelsambo@gmail.com

Tel : 5632153

Suidadano Semper Sirbidó.

 

 

 

 

 

 

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: