Advertisements

Interkambio deportivo i kultural Atlanta Metro RBI lo bishita Kòrsou den kuadro di Martin Luther King Day

Interkambio deportivo i kultural

Atlanta Metro RBI lo bishita Kòrsou den kuadro di Martin Luther King Day

 

WILLEMSTAD – E fin di siman benidero Kòrsou lo ta anfitrion di e ekipo Atlanta Metro RBI. Den nan afan pa formashon di nan hóbennan no solamente riba tereno di beisbòl pero tambe kulturalmente, tur aña e organisashon ta biaha pa diferente pais relashoná ku e fiesta di Martin Luther King Day djaluna awor. E organisashon aki aña pasa a biaha pa Puerto Rico i awor a skohe Kòrsou. E ekipo for di Atlanta lo bin hunga 4 wega aki i tambe sera konosí ku nos isla. Atlanta Metro RBI lo yega Kòrsou djaweps awor i lo keda risibí pa Curaçao baseball Development Foundation i Fundashon pa Nan. Anteriormente e selekshon di RBI di Kòrsou a topa ku e ekipo aki den torneonan internashonal i einan e laso a inisiá. Nan lo biaha ku un delegashon di 26 persona i esaki ta sin inkluí e mayornan ku tambe lo tei presente. Si duda lo kontribuí ku turismo di nos pais tambe.  Ta trata aki di un ekipo forma pa hóbennan di U16 ku ta di spònser pa Mizuno i Atlanta Braves. Tantu representante di Mizuno komo di Braves lo ta na Kòrsou pa e biahe deportivo aki. Manera a indiká kaba Atlanta Metro RBI su meta prinsipal ta pa sera amistat pa medio di beisbòl. Amistat nan ku lo por dura pa henter un bida. Nan lo trese material tambe pa ekiponan di e komunidat di beisbòl di Kòrsou. RBI Curaçao a forma un selekshon di vários hungadó di vários ekipo lokal pa enfrentá e ekipo aki di Atlanta. Nan lo tin un programa kompleto ku entre otro 4 wega, bbq i tambe sera konosí ku diferente parti di nos isla. Nan a duna di konosé kaba ku nan ke bai wak unda Ozzie Albies a kuminsá hunga beisbòl. Weganan ta programa pa djabièrnè atardi na Tio Daou Ballpark pa 17:45, djasabra dos wega 11am i 16:30 i e último wega djadumingu 11:00 am. Un i tur ta invitá pa bin apoyá e hóbennan aki tantu nos muchanan lokal komo e bishitantenan. Un danki un biaha mas pa Maduro & Curiel’s Bank komo spònser prinsipal di RBI Curacao.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: