‘Samira Rafaela nombrá den Top 20 di Parlamentarionan Oropeo’

‘Samira Rafaela nombrá den Top 20 di Parlamentarionan Oropeo’

Strasbourg-miembro di Parlamento Oropeo, Samira Rafaela, a wordu nombrá komo un di e Parlamentarionan Oropeo notabel pa sigi durante aña 2020. Revista online di Politco.eu a publika nan lista di e politkonan ku por bira un di e politikonan ku inluensia grandi den e parlamento na Oropa. Politico ta un plataforma online ku ta kubri notisia i politika di Union Oropeo.

A base di e artikulo di ‘Politco Oropa’, Samira ta simbolisá un direkshon nobo den komersio internashonal dor di pone atenshon riba e aspektonan di derechonan humano i medio ambiental.

Samira ta e promo Parlamentario Oropeo Hulandes di afro-desendensia i tambe roots di Korsou. Ela a destaká riba tereno politiko na Hulanda i na juli 2019 a wordu huramenta komo Parlamentario Oropeo pa un periodo di 5 aña.

Pa mas informashon por klik riba e link: https://www.politico.eu/article/20-meps-to-watch-in-2020-european-parliament/