Lei di Abogado Mester Proteha nos yunan di Tera
Lei di Abogado Mester Proteha nos yunan di Tera
E echo ku tin pregunta ku kon leu lo permiti abogadonan hulandes bin traha na Korsou, ta un echo kompara ku 30-40 aña pasa aktualmente tin mas abogado hulandes ta trahando (hopi di nan pa bufetenan di abogado grandi)
30-40 aña tabatin pasa 80% abogado lokaal i 20% hulandes. I esaki ta un situashon ku nos no mester pèrde for di bista. E ta puro realidat.
E kantidat di abogado na Kòrsou ultimo 30 aña nan a subi enorme. E tempu ei tabatin mas o menos un total di 25 abogado. Aktualmente tin kasi 300. Na otro islanan tambe e kantidat di abogado a subi drastikamente. Esakinan debi ku e kantidat di kasonan a subi enormente e ultimo aña nan. E abogadonan lokal so no por a atende esaki paso nan no tabata sufisiente i esei a pone ku esnan hulandes a hasi nan entrada.
Di otro banda den sierto kasonan e abogadonan hulandes ta hasi e trabou di abogado mesun un bon òf tin biaha mas miho ku esnan lokal. Esaki ta pone ku tin biaha esnan hulandes tin bentaha riba esnan lokal i ta haña mas kaso pa atende. Mi ta di opinión si ku mester trese un balansa den esaki.
Fakultat huridiko ta un fakultat ku tin aki na kòrsou sigur na dos universidat ku ta Uoc I UDC. Kual ta prepara studiantenan yu di tera pa bira profeshonal huridiko ku por sigui bira abogado despues.
Habri merkado I duna posibildat pa mas I mas persona di afo bin eherse e funshon aki na Korsou ta peligra tambe di nos universidat ku tin e fakultatnan aki.
Na hulanda por un hende por yega funshona/ eherse e profeshon di abogado, mester-obligatoria pa sigui un kurso di Lei hulandes I tambe pasa un eksamen di dominio di idioma Hulandes. Si no e no por eherse esaki.
Na korsou no kier dun’e 3 aña respeit ku chèns pa prolonga ku 1 aña, despues e ta obliga pa hasi e kurso.
SÜRNAM
- Aki nos ta papia di abogado surnam ku hasi nan estudio na hulanda.
Abogadonan di surnam ku ke bin traha na kòrsou, kon esaki ta bai? Por?
Mi ta hasi e pregunta aki paso surnam no ta parti mas di Reino. Pero nan ta kai bou di bezoekende advocaat?
E kriterianan pa e hulandes lo konta mesun kos pa esnan di Surnam?
Ban bèk na abogadonan hulandes
Pa mi ta sinsero e proposishon den artikulo 2ª mi no ta mira e balor agrega. Mayoria abogado hulandes ta bin traha aki nan pa 3 aña i bai bèk. Si dado kaso nan ke keda 1 of 2 aña nan por hasi petishon pa un prolongashon di kual mayoría biaha ta hañ’e pa por hasi nan èksamen. Pues nan lo no ta interesa pa pasa e èksamen manera ta pone den e artikulo 2ª .
Art 2a insiso 7
Den e artikulo aki ta papia di regla e kriterianan pa opleiding i eksamen den un LB HAM.
Ta importante pa esaki ta regla den lei I ku manera parlamento ku mester aproba e lei aki por tin konosementu di e kriterianan pone pa opleiding I eksamen.
Artikulo 10b tampoko mi no ta mira e balor agrega den dje.
Pa di prome esaki ta algu ku bo no por kontrola i di dos un abogado na su kantor por laga su sekretaria of asta esun ku ta parti kòfi para komo ‘talk’ p’e paso kasi tur yu di Kòrsou ta papia i kompronde hulandes.
Nos vishon I meta mester ta pa proteha nos yunan di tera ku ta eherse e funshon pero tambe esnan ku ta studiante pa bin eherse e profeshon di abogado.
