KOMUNIKADO DI KUERPO POLISIAL KÒRSOU Kontrol di tráfiko dirigí riba alkohòl.

KOMUNIKADO DI PRENSA 044 / 2020
31 yanüari 2020
Kontrol di tráfiko dirigí riba alkohòl.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 29 di yanüari 2020, polis a tene kontrol di tráfiko dirigí riba shofùrnan ku ta
kore vehíkulo bou di influensia di alkohòl.
Esaki tabata e promé kontrol dirigí riba alkohòl pa e aña aki.
Durante di e kontrol aki, tabatin tres shofùr ku a surpasá e kantidat di promilahe di
alkohòl ku lei di tráfiko ta permití.
Tur tres a keda detené komo sospechoso di a manehá un vehíkulo bou di influensia
di alkohòl i a konfiská nan vehíkulonan.
Despues di a someté nan mas lat na un siguiente tèst na Departamento di Tráfiko pa
establesé e kantidat di promilahe ku nan a surpasá, nan a keda lagá den libertat ku
un prosèsverbal.
Un fiskal di Ministerio Públiko tabatin supervishon di e proseso na su enkargo.
Ta bon pa enfatisá ku e kontrolnan aki lo bai kontinuá tur siman. Alabes nos ke
indiká ku risibí un kondena pa kore bou di influensia di alkohòl, ta nifiká ku e
sospechoso lo risibí un but formal i un karchi di kastigu pa un krímen.
Miéntras tantu Ministerio Públiko ya a aserka e ministerio di Tráfiko, Transporte i
Planifikashon Urbano pa kambia lei di tal manera, ku den futuro tur shofùr por keda
someté na e kontrol di alkohòl.