ENKUENTRO EKSITOSO ORGANISÁ PA LABDEMED, MLS I ADVENTZIEKENHUIS KU SEKTOR DI KUIDO TOKANTE TRANSISHON PA UNIDAT DI RESULTADO I RAPORTAHE DOBEL DI TESTNAN 

ENKUENTRO EKSITOSO ORGANISÁ PA LABDEMED, MLS I ADVENTZIEKENHUIS KU SEKTOR DI KUIDO TOKANTE TRANSISHON PA UNIDAT DI RESULTADO I RAPORTAHE DOBEL DI TESTNAN 

Willemstad 5 di Febrüari 2020 – Sektor di Kuido a profundisá su mes riba e transishon pa raportahe den unidat nobo di resultadonan di diagnostiko durante di un ekuentro organisá pa LabdeMed (Laboratorio di Medicos), Medical Laboratory Services (MLS) i Adventziekenhuis ku a tuma luga den Ballroom di Hotel Renaissance resientemente.  E raportahe di dòbel unidat, su reto i su konsekuenshanan, a keda ilustrá for di varios angulo dor di varios profeshonal mientras ku esnan presente a kontribuí na un diskushon sano kon Kòrsou por hasi e kambio, ku impakto grandi riba kuido, den nos pais. E enkuentro a yena un bashi ku tabatin pa un konsultá efekto ku tur partido envolví, algu ku tabata sumamente nesesario pa por logra un transishon efektivo i ku e koutela nesesario.

Raportahe di diagnostikonan na Kòrsou a tuma luga semper den unidatnan konvenshonal (b.v. mg/dl.)  Den paisnan prinsipalmente na Europa, e resultadonan ta tuma luga den e asina yama unidat SI (b.v. mmol/l)  LabdeMed, MLS i Adventziekenhuis ta suprayá e importantansha ku Kòrsou ta aliñea ku desaroyo den mundu. E kambio pa raportahe dòbel ta un paso signifikante den e direkshon pa tene diagostiko di laboratorionan al dia.   Pero, ta importante pa e kambio aki tuma luga den bon konsulta ku tur partnernan den e sektor di kuido. Meta di e enkuentro tabata netamente den e lus di e kambio aki.  

Durante di e enkuentro aki e kambio, su empakto ilustrá for di varios angulo i tambe posibel aserkamente, a keda presenta i diskutí.  Sr. Robert Wever, un Kimiko Kliniko, a duna un bista di unidatnan SI for di perspektiva di laboratio. Sra. Flora Orogilla-Jacobus, kende ta miembro di direktiva di Sokudi a duna un bista di e unidatnan SI sali for di e perspektiva di e pashènt. Gran mayoria di aparato pa midi suku ta operá bou di e unidatnan konvenshonal di raportahe di resultado di suku. Lo mester dediká atenshon na e grupo grandi di pashènt ku ta hasi uso di e aparatonan aki pa prevení konfushon. Sr. Brijker a duna un bista sali for di e perspektiva di e speshalista mientras ku dr. Wallid Elhage, presidente di dòkternan di kas a duna nan perspektiva di unidatnan SI.  Por último Nasser Ajubi, kimiko kliniko di LabdeMed a konkluí ku un proposishon pa un introdukshon den fase.

Introdukshon di unidat nobo di laboratorio ta trese hopi konsekuensha kun’é i mester ta un proseso bon planea i ehekuta. Akinan, e monitoreo di e kambio mester ta duradero pa limitá kualkier duda ku ta eksisti. Den e proseso di planifika i ehekutá e transishon pa unidat di laboratorio nobo, lo mester inkluí tur stakeholders relevante i mantené esakinan informa lo mas tantu posibel. Lèsnan ku a siña di pasado ta mustra ku komunikashon ta primordial i esenshal. Finalmente, di forma amplio i detaya, mester informá publiko usando tur medio konvenshonal i social media pa e mensahe yega serka tur hende. Na final di e trayekto lo mester hasi un evaluashon pa mira kon e proseso a kana. Echo ta ku nos mester karg’é i hasi’é huntu pa e proseso por ta un eksito i ku finalmente e ta benefisia e pashènt.  Mester bisa ku Inspektor General di Salú a inidiká su disponibilidat pa sinta ku partidonan i yega na planifikashon pa logra un transishon efektivo i ku e koutela nesesario na benestar di pashènt i kuido en general.

A hasi uso di e oportunidat tambe pa e sektor di kuido haña informashon for di e epidemologo dr. Izzy Gerstenbluth tokante di e Coronavirus i kiko ta e pasonan ku ta ser spera di e sektor di kuido

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: