Charla grátis riba “ASMA” dia 11 di febrüari 2020 na Sentro di Bario Souax
Charla grátis riba “ASMA” dia 11 di febrüari 2020 na Sentro di Bario Souax
Fundashon Pro Souax, Sentro di Bario Souax i Sentro Médiko Souax pa medio di esaki ta anunsiá na habitante di bario di Souax, Gato, Zegu, Ser’i Kandela i bisindario i tur otro interesado, ku djamars awor 11 di febrüari e siklo di charlanan riba salú i kuido di salú, ta kontinuá ku otro tópiko interesante.
E luna aki dr. Oliva ta trata e tópiko: ASMA.
Un i tur ta keda invitá pa bin tende Dr. Oliva splika kiko ta Asma; ki ora nos ta papia di Asma; kua ta e síntomanan i posibel kousanan di Asma i kiko nos ta komprondé bou di un atake di asma. Tambe Dr. Oliva lo trata kon pa prevení un atake di asma, kon kuida ora bo tin Asma i kua ta e diferente tipo di tratamentunan ora bo ta sufri di e malesa respiratorio aki.
Bo tin un yu òf familiar ku ta pashènt di Asma; bo mes ta un pashènt di Asma i bo ke sa mas tokante e malesa? Anto bo no por pèrdè e charla interesante aki. E charla ta tuma lugá na Sentro di Bario Souax i ta kuminsá shet’or en punto i lo dura te ku mitar di nuebe di anochi. Entrada ta grátis i durante e charla lo tin amplio oportunidat pa hasi pregunta.
Charla riba tópiko di salú públiko
Tópiko : ASMA
Oradó : Dr. Octavio Oliva; dòkter di kas pa bario di Souax
Dia : Djamars 11 di febrüari 2020
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRÁTIS