CONCACAF U-20 CHAMPIONSHIP DIANAN 18, 20 I 22 DI FEBRÜARI AKI NA KÒRSOU DEN STADION ERGILIO HATO!

CONCACAF U-20 CHAMPIONSHIP DIANAN 18, 20 I 22 DI FEBRÜARI AKI NA KÒRSOU DEN STADION ERGILIO HATO!

 

 

Dianan 18, 20 i 22 di febrüari 2020, Kòrsou lo ta anfitrion pa e partidonan di e CONCACAF

U-20 Championship.  Kòrsou, Guadeloupe, Belize i St. Maarten di grupo C, lo enfrentá otro riba e 3 fechanan ariba menshoná pa mira ken lo sali na promé lugá di grupo C i klasifiká pa e siguiente buèlta di e kampionato aki. Tur dia lo tin 2 partido den Stadion Ergilio Hato di kual Kòrsou semper ta hunga último.

 

Skema di weganan:

 

	Fecha	Orario	Tim A	Tim B	Lugá
1	18 feb. 20	16:30 PM	Guadeloupe	Belize	Stadion Ergilio Hato
2		19:30 PM	Kòrsou	St. Maarten
3	20 feb. 20	16:30 PM	St. Maarten	Guadeloupe
4		19:30 PM	Belize	Kòrsou
5	22 feb. 20	16:30 PM	Belize	St. Maarten
6		19:30 PM	Kòrsou	Guadeloupe

 

 

 

Nos selekshon nashonal kategoria U-20 ta konsistí di un grupo di 20 hungadó, di kua mitar ta hungadónan áktivo di nos Kampionato Hubenil i e otro mitar ta nos hungadónan residensiá aya na Hulanda. Nos selekshon ta wòrdu dirigí pa Sr. Raul Triana Gonzalez i e ta wòrdu asistí pa

Sr. Johan de Jong ku Sr. Pablo Alomá Mark ku ta e entrenadó di e porteronan.

E masahista di nos selekshon ta Sr. Sherwin Inesia miéntras Sr. Roderick Rojer ta esun enkargá ku e materialnan. Sr. Ramfis Filet lo ta e dòkter di nos selekshon i e hefe di delegashon ta Sr.Hubert Isenia, miembro di direktiva di FFK.

 

Manera semper nos ta invitá un i tur pa basha bin stadion pa apoyá nos hungadónan ku ta preparando duru pa por saka nos kara un biaha mas!

 

Tur e partidonan aki ta kompletamente grátis!

Nos ta topa dianan 18, 20 i 22 di febrüari próksimo den Stadion Ergilio Hato!

fk